我到以加未來m

我唔係有bb ,今日睇咗西醫
開咗三日荷爾蒙藥,又唔知幾時來
食完

Hello~多謝你嘅提問,想問吓你之前嘅月經周期係點嘅?會唔會有記錄低大約幾多日一個周期?因為月經係受住好多因素影響嘅,體重過輕,壓力大,生活唔規律…都會導致月經遲嚟。同埋都想問吓你月經遲咗幾耐?因為喺正常情況下,除非月經比起平時遲咗三個星期以上都未嚟,先至需要睇醫生,等醫生考慮會唔會處方荷爾蒙藥物畀你去催經嘅。通常食完催經藥之後就會即刻嚟m,如果你食完都未嚟嘅話可能就要問吓醫生需唔需要再食多幾日。當然如果你擔心係其他子宮疾病,都可以預約返家計會嘅婦科診所做一個詳細嘅婦科檢查,詳情可以參考以下網址:

三個月之前睇咗婦科既,我有多囊
子宮肌瘤,但今次冇睇婦科睇咗家庭醫生
可能壓力大,上個月5號來完,都冇

如果本身有多囊嘅話,咁經期係會比較唔準嘅。你可以問吓醫生會唔會考慮開避孕藥俾你調經,不過避孕藥就要每日準時服用,同埋喺服用嘅開頭有機會需要試幾隻唔同牌子,先至可以搵到最適合自己嘅嗰隻。

就係唔考慮食藥,食得多都有副作用
因為經量多,每一次來經都要食止血藥
就係唔想食藥先做手術

原來係咁,咁嘅話你可以喺下次複診嘅時候同醫生講一講你最近月經嘅情況,睇吓醫生有咩建議。因為每個人嘅體質唔同,加上你又做過手術, 所以都係問返專業人士嘅意見會好啲。

應該食埋明日藥藥就食完,希望會來啦
:sob::sob::sob::sob:

1個讚

假如這幾日都冇來,我係唔係在去睇醫生
加藥食

沒錯,但係你記住要同醫生講返你之前又多囊,同埋做過手術嘅細節。因為催經藥係荷爾蒙藥物,始終會對人體造成影響,唔係每個人都適合服用,都需要俾醫生了解咗自己嘅身體情況先至考慮用咩方法催經,而唔係直接過去加藥/加大劑量,因為有可能會導致意想唔到嘅副作用:pleading_face:

家庭醫生知我有多囊,俾佢睇咗報告
如果唔得家庭醫生話加藥,想緊睇唔睇番婦科

之前睇婦科都係唔來又係食荷爾蒙藥,大約4日就來
今次唔知做咩

咁可能係因為私家醫生開俾你嘅荷爾蒙藥劑量同之前婦科開俾你嘅唔同。如果係咁嘅話睇返之前個婦科醫生好似好啲:thinking:

因為我睇家庭醫生食開佢d 藥 都ok 既
但今次好似冇反應咁,想緊睇唔睇婦科
因為婦科開既都係賀爾蒙藥,但唔係粉紅色果d
而其他牌子,食咗4日來咗
今次食哂在睇多幾日,唔來都係搵番家庭醫生

人體嘅結構係好複雜嘅,可能之前家庭醫生開俾你嗰隻藥之前對你有效,但係而家就冇效,可能需要轉另隻藥。不過最緊要都係問咗醫生嘅意見先,唔好自己轉藥。

緊係啦,今日第三日都唔覺有
等多幾日唔來睇醫生

1個讚

我都來咗啦,希望之後都正常番啦

1個讚