做個陣有乖乖戴套，女朋友到E家都未黎M（女朋友1月系21號黎,但係12月系11號來），E家真係好驚，我可以做D咩。
hello你好啊
首先，想問下上一次性行為後，有無灌水落個安全套呢？事後進行灌水測試就可以知道個安全套有無穿窿。如果無灌水都唔緊要，喺性行為中，全程都有正確咁用安全套，個套嘅尺寸合適，無過緊或過鬆嘅情況岀現， 安全套冇破損冇漏，性器官亦無直接接觸過對方嘅體液，避孕成功率分別為98%（perfect use，完全正確使用)，及82%（typical use，一般使用)，懷孕嘅風險係好低嘅！
另外，好多唔同嘅原因都會影響經期嘅，例如荷爾蒙失調、生活作息、飲食習慣、服用藥物、情緒壓力等，唔一定係懷孕㗎。一般月經週期21～35天或長達42天「都係可接受既」，所以就算上個月21號嚟m，都唔代表今個月21號應該嚟m。唔知你有無紀錄經期嘅習慣呢？依加都好多app可以紀錄經期，仲可以計埋下一次嘅經期大概幾時。見到女朋友一月同十二月嚟m嘅日都相差10日，可能佢本來嘅月經週期都唔太穩定，就算今日都未嚟m，都唔駛太擔心。
如果真係好驚懷孕嘅，都可以驗孕。因為一般受精卵著床需要6-9日，所以喺性行為11日後進行驗孕，結果係較準確及可靠嘅，如果結果係無懷孕，就真係無懷孕㗎喇！依段時間可以保持心情輕鬆，唔好太緊張，耐心等候。當然啦，如果月經遲嚟嘅情況持續三星期以上嘅話，就可以諮詢下醫生嘅意見！
多謝你呀
E家個心算系定左少少
1個讚