我第一次吃避孕藥是上個月 自己在屈臣氏購入的21粒 事前避孕藥
當時因身體狀況 只吃了4天就停藥 不知道停藥的後果和正確處理手法
時隔一個月後 月經來的第一天 我繼續吃本來的同一排避孕藥 沒有開新的 吃了17天
想知道這樣會影響效果嗎 我現在已開了新的一排 吃第18天 應該繼續吃完周期 還是停藥7天開新的？
hello你好啊
首先，都想建議喺第一次食之前避孕藥之前去睇一睇醫生，因為唔係每個人嘅身體都適合服用避孕藥，例如有心臟問題、糖尿病、高血壓、免疫系統問題、肝臟問題嘅人就通常唔建議食避孕藥，而且市面上有好多唔同牌子/款式嘅避孕藥，每款含有嘅荷爾蒙劑量都唔同，所以建議第一次服用避孕藥之前，要睇吓醫生，等醫生幫你檢查下你嘅身體狀況係咪適合食，同埋適合邊一款藥。家計會/母嬰健康院/呢個服務，有需要嘅話可以去預約㗎。
睇翻你當時只係食咗4日就停咗，所以今次食就係當第一次食。你買嘅係21粒裝嘅避孕藥，即係食完21粒藥後，要停7日，然後再開新一排藥，如果你依加只係食18日就停，對藥效會有影響，所以你可以額外開多一排藥（即係你依加食梗嗰排），淨係用嚟補食，喺依加嘅情況下，就照食多3日，經過7日停藥期後，就照開一排新嘅藥繼續食。第日如果有漏食嘅情況，就可以食依加開咗嗰排，避免太混亂。
1個讚
多謝你嘅幫助！
我本來係驚 隔咗一個月食返同一排藥 會影響藥效
因為你係食21粒裝嘅，每粒藥都有藥性，所以就無問題。
1個讚