如果長期食避孕藥，會唔會有副作用？
係弊大於利定利大於弊？
我淨係知道可以調經
但長期食啲荷爾蒙嘅話，對身體有冇壞處？
會唔會增加患上某種疾病嘅風險？定係反而能夠減低患病機會？
唔係指性病，嗰啲當然係要condom先有用啦
I mean例如中風/乳癌/子宮頸癌/卵巢癌/子宮內膜癌
唔該晒 
Hello
食避孕藥嘅短期副作用，一般包括頭痛頭暈，胸部脹痛等，但多數呢啲副作用只會維持一至三個月。如果長期食嘅避孕藥嘅話，其實有醫學研究顯示，服食避孕丸嘅女性，患卵巢癌及子宮內膜癌嘅機會較一般女性低四至五成，但患乳癌嘅機會則比冇服食避孕丸嘅女性稍高；至於避孕丸同子宮頸癌嘅關係，就尚未有定論。其他疾病，例如心臟病同血管疾病，有研究顯示白人女性服食避孕丸後，患血栓塞嘅機會略高於冇食避孕藥嘅女性，亦有小部分女性嘅血壓會有所增加。不過，呢類情況較為罕見。
所以如果係食避孕藥期間發現身體又唔尋常嘅情況，例如：有嚴重腳痛、嚴重胸痛或氣促、嚴重頭痛、視覺不清或感覺閃光等，都應立即向醫生諮詢
所以只要食咗一排之後身體都冇乜唔尋常嘅話，就唔使太擔心，可以放心食？
Thank you 
係呀～如果冇異常出血，或者太嚴重嘅副作用，咁應該係唔需要擔心嘅，可以放心。