射係底底上意外懷孕嘅機會

您好:pray:t2:請問男朋友精液射(男朋友冇著住底褲)係濕咗有自己分泌物嘅底褲上(全程我著住底褲冇除過)or有啲射咗係大脾內側,會唔會有機會滲到陰道口之後入到陰道裡面?雙方都係處,冇任何插入同陰莖冇直接接觸我陰部。睇到網上有新聞係精液射係濕咗嘅底褲上會逆流而上所以都有啲驚:sob:請問會大機會意外懷孕嗎?

已經即刻抹同埋去洗咗自己下體,底褲都用咗水同梘洗咗捽咗先著(唔可以即時換底褲,因為後續仲要出門,唔知會唔會濕氣up住:sob:)

想問一下會唔會有需要食緊急避孕藥,如果係,最好要係幾時食:sob::pray:t2:同埋家計會就可以買到嗎?

Hello你好呀
其實性器官冇直接接觸,係唔會懷孕嘅。精子離開咗體外之後暴露係空氣其實好快就死亡,更何況喺底褲上精液好快就會被吸收,精子都會死亡,所以唔會話透過條底褲再入到陰道口從而進入陰道嘅。加上你都用水同埋番梘清潔左內褲,所以你所講嘅情況係唔會發生嘅。

不過喺度都想提醒返,第日如果有直接性接觸,即使去洗下體或者用紙巾抹,都唔能夠殺精嘅。最安全嘅做法就係使用安全措施,例如安全套或者避孕藥。

好的感謝您:pray:t2:想問埋性器官冇直接接觸嘅意思係涵蓋磨同插嗎?
唔係好肯定有冇,但如果陰莖係女仔內褲側邊射精,精液會唔會有機會噴到陰部表面?:cry:肯定嘅係陰莖絕對冇直接掂到磨到陰部,有隔住內褲。但係就唔係好清楚,如果射精時如果真係從側邊噴到陰部表面嘅話(唔知算唔算直接接觸?),係咪都唔會懷孕?:pray:t2:謝謝你

Hello

性器官直接接觸係指雙方嘅性器官直接掂到,包括插入或者磨擦,分泌物會直接接觸到陰道,咁就會有懷孕嘅風險,如果陰莖同埋陰部嘅接觸當中隔着內褲,係唔會有懷孕嘅風險嘅。而如果射精噴到陰部表面嘅話,精液都好難由陰部表面進入陰道口從而進入陰道嘅,所以懷孕嘅風險都係好低,如果你係好擔心嘅話,可以考慮使用安全套。

發生性行為之前唔只要有生理準備,亦都需要做好心理準備,如果係性接觸後感到好擔心嘅話,不坊同伴侶講你嘅恐懼,或者等大家都做好心理準備嘅時候,再發生性行為。

好的,十分感謝:pray:t2:麻煩曬您