你好，本人食優悅食左3星期。
最後呢星期開始谷m，谷到訓唔到。
因為去旅行諗住佢唔嚟就得喇。
點知今日谷到有血嚟，請問如果即刻開優思明食第一粒，可否阻止佢繼續嚟，或停血？
Hello你好啊
如果想係去旅行嘅時候唔好嚟M，就可以係食完一排藥嘅時候，直接開下一排藥，中間唔好停。不過因為兩隻藥嘅荷爾蒙含量都唔同，一個係食21日，另一個係食28日，所以如果你係想透過呢個方法令到去旅行嘅時候唔好嚟M，建議你都係食返你本身食緊嗰隻，喺去完旅行後，如果想轉藥嘅就等下一個月經周期開始再轉。
都想問下喺第一次食之前避孕藥之前有無睇一睇醫生，因為唔係每個人嘅身體都適合服用避孕藥，例如有心臟問題、糖尿病、高血壓、免疫系統問題、肝臟問題嘅人就通常唔建議食避孕藥，而且市面上有好多唔同牌子/款式嘅避孕藥，每款含有嘅荷爾蒙劑量都唔同，所以建議第一次服用避孕藥之前，要睇吓醫生，等醫生幫你檢查下你嘅身體狀況係咪適合食，同埋適合邊一款藥。家計會/母嬰健康院/呢個服務，有需要嘅話可以去預約㗎。啱啱開始食事前避孕藥都可能會有副作用，例如頭暈、嘔心、陰道出血，不過呢啲副作用正常應該幾個月就會消失。
另外都想同你解釋返避孕藥嘅原理，病咗係透過人造荷爾蒙去抑制排卵，改變子宮頸黏液嘅黏稠度，同埋改變子宮內膜環境，從而達致避孕嘅功效。所以係避孕藥嘅影響下，唔會好似平時經期咁，因為身體周期性荷爾蒙變化而排卵、然後未受精嘅內膜喺月經周期排出體內；其實係撤退性出血。
謝謝你詳細回覆。
即係我下星期三前繼續食埋最後嗰幾粒優悅，到旅行完結後，才轉優思明，對嗎？
因為谷唔緊要，我只係想佢星期三前都唔好有血咋
Hello
想問吓轉食另一款避孕藥係醫生叫嘅定係純粹你自己想轉？因為兩款避孕藥其實都好唔同嘅，優思明嘅荷爾蒙劑量相對地高少少，係21粒裝，即係食21日之後就自行停藥七日，如果唔小心食漏咗，優思明嘅補食時間都相對地短只係12個鐘，優悅嘅補食時間就有24個鐘
如果想延遲經期，唔駛轉另一款藥都做到，可以skip無藥性嗰4粒藥丸，直接開新一排藥食，咁就做到延遲月經嘅效果。假如都係想食藥，喺食完新一排藥後，先轉食優思明，不過就算轉食另一款藥，都可能會有唔同嘅副作用，所以最好都係去睇醫生，由醫生去決定邊款藥更加適合你。
1個讚