小弟有日上左按摩店，按摩員除咗褲同埋上身衫，但無除底褲，佢有帶住手套幫我打手槍，期間佢下體隔住佢條底褲掂過我下體，想問感染菜花風險大唔大？
Hello~多謝你嘅提問
首先，同你講下性病嘅傳染方式先，通常性病都喺透過高風險嘅體液，例如精液、腸液、尿道球腺分泌（Pre-cum）、陰道分泌、血液，直接接觸到身體上開放性嘅傷口（例如淌血傷口）、又或者同較簿同脆弱嘅黏膜組織進行磨擦，有機會擦傷，例如肛門、直腸、口腔、陰道、眼睛、鼻腔等等接觸，先會有機會傳染到性病 。因為你話對方喺著住底褲同戴往手套幫你手交嘅，冇直接接觸上述嘅分泌物，所以感染到性病嘅機率係好低嘅。
再加上，其實對方亦未必會有性病，我地都唔應該假定咗對方係有提供性服務所以就一定有性病，如果對方冇性病的話就不可能傳染到性病。所以其實都唔需要太擔心自己感染到性病。
當然，如果你始終唔放心，都可以做性病測試。唔同嘅非政府機構，例如關懷愛滋、香港善導會水銀星三號、香港愛滋病基金會、再思社區健康組織等等都有提供性病測試，或者你都可以去私家醫療服務中心或者衞生署社會衞生科診所進行測試。不過其實性病係有空窗期，就算真係感染到有性病，而家即刻去驗都係冇咁快驗到嘅，起碼都要等三個星期之後先至會驗到。
另外提醒返，如果之後想再接受相關按摩服務但又有所擔心嘅話，就最好搵返啲比較可信嘅機構，或者受政府監管、有牌照嘅按摩店會比較好。
希望解答到你嘅疑問🫶🏻～
謝謝你回覆！
依照我情況，皮膚既接觸會否有風險？謝謝
要通過皮膚傳播性病嘅話，首先對方要患有皮膚相關嘅性病，並且你嘅性器官、黏膜組織或開放性傷口接觸到性病患者皮膚上嘅病變組織（例如疱疹或者性病疣患者皮膚會生嘢，當患處皮膚有破損／發炎流膿嘅時候會更加有風險）先會有比較大機會可以造成傳播。
所以睇返你嘅情況，見到相關性病嘅機率係好低嘅，唔需要擔心