嚟完M後一日會唔會懷孕 男朋友唔小心內射咗
Hello~多謝你嘅提問～雖然好多人唔會話嚟完M第一日係安全期，但因為月經周期受好多因素影響，就算用app，都好難判斷幾時係安全期，幾時係排卵期。加上卵子喺體內最長可以生存1-2日，而精子喺體內最長可生存2-3日，由於兩者生存期唔同，假如喺第一日有精子進入體內，而第三日排卵，就有授精嘅可能。而排卵期有機會同經期重疊，所以就算衝紅燈都唔一定安全。
如果好擔心，你可以考慮喺性行為之後嘅72/120小時內服用事後丸。 事後丸含有高劑量人造荷爾蒙，可以透過唔同嘅途徑去緊急避孕，包括：抑制排卵、增加子宮頸黏液分泌令精子難以通過、改變子宮腔環境令受精卵難以著床 。而事後丸有分72/120小時兩種，愈快服用效果愈好，唔安全嘅性行為之後24小時內服用最好。因為事後丸係醫生處方藥物，所以如果有需要服用嘅話，最好去返公立醫院/私家診所/有信譽嘅機構，例如家計會，向醫生索取。咁藥效就比較有保證嘅，可以係好大程度上避免懷孕。不過因為事後丸會影響月經週期，有機會延遲月經。而我哋會建議一個周期內唔好食多過一次事後丸，所以如果你今次食咗嘅話，接下來嘅月經周期就要用較高效嘅安全措施去避孕。
如果唔想食事後丸嘅話，可以考慮喺性行為後11日（1/27）進行驗孕。因為驗孕棒係透過檢測尿液中嘅hCG (人絨毛膜促性腺激素)含量，呢款激素會係受精卵著床後開始大量分泌，而一般受精著床呢個過程需要6-9日，所以係性行為後7日使用驗孕棒的話會有初步嘅結果。而係11日後或者預計經期嘅日子驗孕結果會更加準確。
最後，都想提醒翻，無論係任何形式嘅性接觸，都要全程做足安全措施，咁先至可以保障到自己同另一半🫶🏻。
我2號嚟完M
3號內射咗 事後2小時內有食事後丸
8號開始有少少血 同痛
會唔會係懷孕？
定係係事後丸導致嚟M早到？
但係我2號先嚟完M…
睇返你嘅情況，你8號嘅出血應該係事後丸嘅副作用，唔係月經。但係因為事後丸係高劑量嘅荷爾蒙藥物，會擾亂月經周期，所以你下個月嘅月經好大可能會延遲。因為你係唔安全嘅性行為之後兩個小時內就已經食咗事後丸，只要係醫生處方嘅話，咁藥效都係有保證嘅，唔需要擔心會懷孕。
今日都有血
係平時嚟M既差唔多量
Hello你好呀因為事後藥係好高劑量嘅人做荷爾蒙，所以係會令到月經周期亂咗、陰道不規則出血。所以你而家經歷緊嘅出血都好可能係時候藥嘅副作用，不過如果呢個情況持續左七日，或者出血量有變化，就可以考慮吓去睇醫生，例如私家診所或者家計會。
我而家似係嚟M 因為同平時嚟M一樣 量好多
咁樣係咪可以代表我冇懷孕？
如果個出血量咁多嘅話，咁可能係事後丸令月經變得唔規律，從而提早咗。而睇返你嘅情況，可以好肯定你係冇懷孕嘅，唔使擔心。