小弟在2月26日網上約左個女仔出來發生性行為,個女仔之前聲稱未發生過性行為,因為自己都未有試過有性行為,所以小弟先約左佢,我地中途有套陰道交,冇套口交,有濕吻,佢都有幫我手淫,但完事過後,佢先話比我知佢呢兩個月約過差唔多十個,有交易的,知道後小弟而家好焦慮,好驚,想去做檢査,但性病有潛伏期我應該幾週後去驗好d,同埋我以上性行為有冇邊個行為係比較危險?
Hello
根據你所講嘅情況，都係有少少感染性病嘅風險架。
首先，性病主要嘅傳播途徑透過體液，例如精液、腸液、尿道球腺分泌（Pre-cum）、陰道分泌、血液，接觸過身體比較薄嘅黏膜組織，例如肛門、口腔、陰道，或者傷口就有機會傳播到病毒。
喺舌吻方面，口水本身並唔會傳播性病嘅。如果有進行口交，有體液接觸到你嘴唇上嘅傷口，咁病菌／病毒就有機會經由傷口進入體內，喺呢個情況下，提供口交個位就會有更加大風險感染性病。
陰道交方面，全程正確使用安全套嘅話，其實係可以大大減低性病嘅傳播嘅。不過如果有椰菜花嘅，即使使用安全套，都未必能夠完全覆蓋所有皮膚接觸嘅範圍，如果碰觸到病灶（疣狀組織），就會增加感染嘅機會。
如果你未決定去邊度驗血，建議你可以選擇去以下機構做免費嘅性病測試。
政府社會衛生科服務診所：各類型性病檢查（較全面，能即時知結果及比藥）
關懷愛滋：25歲或以下青少年、男男性接觸者－愛滋滋病病毒／梅毒／淋病／衣原體／丙型肝炎
香港愛滋病基金會：愛滋滋病病毒／梅毒／丙型肝炎
再思社區健康組織 (C.H.O.I.C.E.) ：愛滋病病毒／梅毒
*因為最近受疫情影響，建議前往之前，先到相關網站睇下機構有無開～！
暫時可以先留意自己身體有無出現明顯病徵。如果已經出現下體痕癢、小便刺痛、分泌物異常、下體生粒粒等病徵時，就可以先及早求醫。不過如果未有出現明顯病徵的話，都建議考慮三個月（三個月已經過左大部分性病嘅空窗期）後，再一次過去做一個全面嘅性病檢測，會比較準確
想問有蛀牙kiss,女仔再幫我口交會唔會有機會有性病,蛀牙算唔算係傷口？
Hello
首先，正如上面所講，kiss係唔會傳播性病，因為口水唔會傳播性病嘅，但係如果雙方口腔內都有傷口，咁就會有感染性病嘅風險，因為有血液嘅傳播，同樣地，不過如果對方隻蛀牙有破損、流血，而你嘅性器官都有傷口，都會有感染性病嘅風險嘅，好重要嘅係睇其實係咪有一啲流緊血嘅傷口，咁就會比較高風險。
另外想問26號做完2日後就發生肚痛肚瀉,性病會唔會引起呢d症狀,前2日睇完醫生都仲未好返,本人十分緊張
比較少性病係會有肚痛或者肚瀉嘅病徵，如果你前兩日已經睇咗醫生，相信醫生開咗一個療程俾你，咁就依照返醫生嘅指示完成整個療程，並妥善清潔性器官，基本上就會康復。