求大大幫手
是咁的 我26歲一早知自己有多囊
上個月週期51日19號先黎到經5日就完左
今日開心完後 發現安全套脫落留喺陰道內
但男朋友唔小心外射 射到少少在陰道
即刻就抽套番出黎 同去左廁所清潔好
依家有少少不安 經期不嬲都唔準 29日33日都試過
安全期係點計？同埋Apple 果到不嬲都有計開
佢話未到𥦬口期 點先知道自己排卵未
正確啲黎講係 抽個套出來既時候 因為夾住左 咁太滿會濺左少少出來 掂到陰道出口位少少白色 陰部表面
周期，更需要做好避孕措施，否則當月經遲來便會很不安。
另外講下安全期，計算安全期其實並唔可以稱為一個可靠嘅避孕方法。坊間想講嘅安全期係以一個週期28日去計算，而一個週期係由嚟月經第一日直到下一次嚟月經前一日為止。係一個28日週期之中，安全期嘅計算係假設咗身體會係第14日排卵，所以週期嘅第1－7日以及21－28日，亦即係所謂嘅月經前7後7日會係所謂嘅安全期。但安全期唔可靠嘅原因係，唔係每個人嘅週期都係28日，以你為例，你既周期經常不一致，更難去準確計算。而且即使係28日週期嘅人都唔一定係第14日排卵 。再者要去到月經出現我哋先可以計算上一個週期係幾長，再大概估算上個周期嘅排卵日同「安全期」係幾時，唔能夠係未出現月經就單憑計算日子準確知道係幾時排卵。除非每日都係醫生指引下用排卵棒測試體內狀況，否則無辦法準確知道係邊一日排卵。所以總括而言，計算安全期並唔可靠。而且，有啲週期較短嘅人甚至會係月經期間或月經月結後就排卵，而精子進入體內最長可以生存3－5日，如果咁啱遇上身體排卵，就有機會懷孕。
就你今次嘅情況，因為安全套脫落，我地會建議盡快尋求醫生指引進行緊急避孕。而事後避孕藥係需要醫生處方嘅藥物，而且係有分性行為後72小時或者120小時內服用兩種，加上你有多囊症更加需要向醫生查詢是否適合使用事後避孕藥。
你可考慮使用家計會既服務，以下係家計會預約流程給係參考，首先，如果你係26歲以下嘅未婚人士話，就可以預約家計會嘅青少年保健服務，你可以上返家計會網站，睇吓方便去邊間保健中心，去之前打電話預約就可以。網址係呢個：https://www.famplan.org.hk/zh/our-services/clinic-services/youth-health-care/content
如果係26歲以上，或者26歲以下已婚女士，就要去家計會節育指導診所，呢個就無需預約，喺開放時間去就得啦。你可以上網睇下自己方便去邊間診所：https://www.famplan.org.hk/zh/our-services/clinic-services/birth-control/content
如果你認為唔需要使用緊急避孕措施，可以考慮自行驗孕，喺性行為後11日進行驗孕。因為驗孕棒係透過檢測尿液中嘅hCG (人絨毛膜促性腺激素)含量，呢個激素會係受精卵著床後開始大量分泌，而一般受精著床呢個過程需要6-9日，所以係性行為後7日使用驗孕棒的話會有初步嘅結果。而係11日後或者預計經期嘅日子驗孕結果會更加準確。