今日同女朋友做完 然後反開包皮（即係會露成個龜頭出黎）嗰陣見到有啲一粒粒嘅嘢 唔知咩黎 唔知係椰菜花定係咩 但係又可以抹得走 不過仲有少少 呢啲係污糟野定係點？
你好，收到你既問題，知道你一定好擔心，如果你平時有注重清潔，而性行為時又有做好安全措施，伴侶亦未曾患上性病嘅話，都未必一定同性病有關。
單憑你一張相，我地好難判決上面既粒粒係咩黎，雖然你話可以抹得走，但都有好多可能性。有機會係污糟/ 性行為後留低既分泌或潤滑劑/ 甚至可以係真菌感染，不過你可以先留意下，呢幾日係咪可以完全抹走，留意一下粒粒有無痕或痛，同埋有無紅腫等，如果有以上情況，就有機會有感染可能，建議你要盡快睇醫生，由醫生去判斷情況同治療。即使無以上痕或痛等情況出現，但抹唔走都要去求醫，了解一下情況，咁就可以安心啲。
同埋係未清楚情況之前，建議你暫時唔好有任何性行為住，以免令情況變差。
唔痕唔痛嘅，d白色一粒粒係全部抹甩曬（甚至甩曬）
不過龜頭同埋包皮中間空隙位就有dd腫（定係因為女朋友今日唔小心大大力打中我下面而引起…
係今日同女朋友做完先會咁 之前都冇事
定係因為今日同佢第一次做嘅時候抽插速度快，佢又高潮，之後佢就無套咁女上男下幾下 而殘留嘅潤滑劑+佢d分泌物？
又或者會唔會佢太大力打中我下面而起因為真係嗰下好痛好痛
張相近影個樣有d一粒粒嘅嘢 好似水泡咁 唔清楚係咪潤滑劑+分泌物 見識少
？？
覆返你既Update，如果啲粒粒係唔痕唔痛，而且可以全部清除，相信應該未必係受感染，因為正常受感染既皮膚上既粒粒係應該不能被清除的，而且係會有痕或痛的。不過你可以再觀察多幾天看看變化。
至於你話有腫，可能係跟撞擊有關，要知道性器官係比較敏感同脆弱既部位，只要有輕微撞擊都會好痛。而相片中既水泡，好難單憑相片判斷係咩黎，但如果係可以清除，就應該唔係水泡，如果唔能夠清除就要去睇醫生，由專業醫護來判斷。
另外要提下，安全套係唯一能夠避免懷孕同預防性病既安全措施，如果想保障自己同伴侶，係發生性行為時就要考慮採取安全措施啦。
明白，因為尋晚同埋今日book泌尿科醫生都比較難，如果去公立醫院嘅話就要有轉介信，而平時睇開嗰個家庭醫生唔係泌尿科專業醫生，所以唔知去邊度睇好 私家醫院又太貴…
同埋想問可唔可以幫我Del咗張相？
如果del嘅話，係咪成個post都會del埋？
如果你唔放心都想睇醫生, 俾醫生判斷一下, 其實你去睇平時自己睇開既家庭醫生已經可以, 若果真係有問題或需要, 醫生會轉介你去專科, 暫時唔需求特別睇泌尿專科。另外, 你亦可考慮睇家計會既男性健康服務, 價錢都在負擔範圍內, 詳情可參考網頁：男性健康服務 - 香港家庭計劃指導會
P.S. 已通知了後台看看如何處圖片, 不用太擔心。
您好啊，過左差唔多兩個月翻黎，觀察呢段時間，啲白色雖然仲有dd喺到，上個月去樓下診所睇醫生，佢有開藥膏，但係就唔知點解仲有dd，醫生話係念珠菌，不過因為唔痕唔痛，又冇異常分泌物或者粒粒，係比較紅，又唔想嘥錢睇多次醫生（話有念珠菌嗰個醫生其實服務質素比較差，cap水，所以佢話係念珠菌我女朋友都半信半疑，而家除左keep朱搽藥膏都冇特別，但係唔知點解一直未斷尾，不過我平時一日會換幾次底褲同埋沖涼，懷疑會唔會係包皮炎同埋醫生開錯藥膏俾我
其實都有啲好奇，如果每次性行為前or後硬有dd酒精成分嘅濕紙巾（唔瘌唔算刺激）清潔包皮同埋龜頭係咪會搞成咁？
同埋想問下，男仔如果每日性行為一至兩次，陰莖會痛係咪正常？因為而家同女朋友每次做第二次，陰莖就會開始痛，第一次反而唔痛，係咩原因？
應該係身體話畀你聽咁樣太頻密，因為陰莖休息嘅時間唔夠
有關用酒精清潔嘅問題，雖然唔知道用酒精清潔陰莖會唔會造成陰莖出現白色一點點嘅情況，但我哋一般唔建議用酒精去清潔性器官，因為酒精本身成份都比較刺激，而且性器官都係比較脆弱嘅部位，一般會建議用清水清潔就可以。
至於性行為之後陰莖feel到痛，可以有好多原因導致，包括念珠菌感染，性行為次數過多，或者本身陰莖患有一啲疾病，所以如果呢一種痛楚已經持續左一段時間都建議你去睇專科，或者好似上面同事所講，可以去家計會既男性健康服務，價錢都比較平。