平時都好準 上網睇有d人話佢個一個月有性行為就會遲嚟m 但我好驚會中左
遲左5日同6日個陣 我都有用晨vv驗 都係一條
今日我都驗左 遲左10日了 都係一條線 咁會唔會安全
Hello 明白你平時準時嚟M但突然間咁多日都未嚟，令到你擔心自己可能係懷孕。
不過其實月經遲嚟唔一定關懷孕時，因為其實好多因素都會影響月經「準唔準時」，包括生活作息、飲食習慣、情緒壓力等等，譬如發生完性行為之後好擔心自己會懷孕，呢啲都可能會轉化成壓力而影響咗月經。而單憑月經好難去判斷到係咪真係有懷孕，所以驗孕就係一個比較客觀嘅方法去得知自己有冇懷孕。
至於驗孕方面，呢度唔太清楚你係發生性行為之後幾多日驗孕，不過一般都建議喺發生咗性行為之後嘅7至11日之後驗，因為如果喺7日之後驗嘅話，就會得到初步嘅結果，11日或之後驗嘅話就會得到準確嘅結果。如果你嘅驗孕棒係來自可靠嘅來源，例如信譽良好嘅藥房或者大型連鎖個人護理商店，而你又係喺性行為之後嘅7至11日之後驗嘅話，而都係驗到一條線陰性嘅話，咁基本上都唔需要擔心有懷孕風險。都可以話俾你聽圖上面顯示嗰一隻驗孕棒嘅牌子係可靠嘅。
如果你擔心唔準確嘅話就好，你都可以選擇買多一隻唔同牌子嘅驗孕棒驗孕，去做對比，如果唔同牌子嘅驗孕棒都係驗到係陰性嘅話，基本上就可以完全放心並沒有懷孕啦。
1個讚
更新
琴日去睇左中醫 佢開左通經藥比我。跟著今日終於嚟m了
但其實仲有d擔心係假m
Btw 多謝呢個網站
3個讚