急!唇邊同埋手指有幾粒小水泡

啱啱沖涼前摸到下嘴唇邊有粒嘢 體積唔大 細細粒 睇落唔明顯 可能因為偏透明 有少少痕 沖涼之後雖然凋謝左 但係輪到右手中指生兩粒小水泡 唔痛唔痕 摸落去硬硬地 上網睇到話似汗皰疹 到底呢d係咩嚟?係咪要睇醫生?


Hello​:ok_woman:t2:就咁睇相同埋文字嘅描述都唔係好清楚你嘅情況,介唔介意話俾我哋聽係呢幾日有冇發生過唔安全嘅性行為?或者呢幾日身體有冇出現其他異常情況?飲食習慣或者生活作息有冇改變?

唔安全性行為就冇
不過今日有幫男朋友用手解決 而佢就係尋日下面有白色一點點嗰個投稿user 唔知關唔關事
至於飲食方面 今日上晝同埋下晝淨係飲左兩杯無糖豆漿 沖涼之前食左兩個便利店飯糰同埋一包朱古力 之後攤喺床上面 開始feel到唇邊有粒類似水泡嘅嘢 沖完涼就冇嘢 但係輪到上面兩張相咁 右手中指有兩粒小水泡:pleading_face:

會唔會關性病事?
之前過左空窗期驗愛滋梅毒係陰性

不過過咗今日 兩邊水泡又謝咗 到底發生咩事:persevere:

聽你咁講,冇發生唔安全嘅性行為,而且喺性行為/口交期間雙方都冇傷口嘅話,其實患上性病嘅機會較低。因為一般性病都係透過高風險體液(精液、陰道分泌、腸液、血液)同受傷嘅黏膜組織(陰道、尿道口、肛門、腸道、眼睛、口腔等)直接接觸而傳播。如果性行為本身無牽涉呢啲部份,或者有使用安全套,會導致性病傳播嘅機率好低。不過都有啲性病係會出現症狀係皮膚表面,例如椰菜花同出現係陰毛嘅陰蝨,如果無安全套保護住嘅性器官直接接觸到,一樣會有風險。如果你嘅小水泡係冇疼痛或者痕癢嘅情況,可能有機會係磨擦而造成,可以觀察多幾日,如果再有小水泡出現,或者有其他身體異常嘅情況都建議諮詢醫生嘅意見。