我有疑問求解答

係咁既 早排去左日本玩風月場所
其中口交時沒有戴上安全套
但插入時有戴 而且事後包皮紅左
其實我係咪奶左野
我想知我有幾多風險中招
同埋我應該幾時出去檢查身體一下
同埋我應該留言啲咩症狀
我宜家個身有少少痕

Hello 就咁睇你所描述,的確係會有感染性病嘅風險。

首先,我講少少性病係點樣傳染先。性病主要嘅傳播途徑透過體液,例如精液、腸液、尿道球腺分泌(Pre-cum)、陰道分泌、血液,接觸過身體比較薄嘅黏膜組織,例如肛門、口腔、陰道,或者傷口就有機會傳播到病毒。

但就咁單憑包皮紅咗其實好難判斷到你係咪感染到性病,因為可能只係敏感,或者磨擦而引致。但你的確曾經冇用到安全套就進行過口交,如果對方有性病嘅話,呢個就係有機會令你感染到性病,包括泡疹、淋病、梅毒等等(呢三種係比較常見經由口交傳播的性病,但當然唔只呢三種)。但不過,如果你哋嘅體液係冇直接嘅接觸嘅話,其實風險就不至於太高,可以算係中風險,所以都唔使太過擔心。

話雖如此,但感染到性病嘅前提係你發生性行為嘅對象都有性病。但我哋都唔可以因為對方係性工作者,就輕易判斷對方係有性病。相反地,因為性工作者都係透過性行為去賺錢,我而且嗰個都係佢哋自己嘅身體,所以其實好多時佢哋都會定期做性病檢查,check住自己有冇感染到性病,所以其實佢哋有性病嘅可能性其實都唔係想像中咁高。不過,都要睇返性工作者係咪係合乎規格或者係咪受監管嘅場所工作或者提供性服務,呢啲都可以用嚟判斷風險高唔高。

當然,你擔心嘅話去做個性病檢查就會係最好。係香港,你可以去私家醫療服務中心或者衞生署社會衞生科診所進行測試。另外,唔同嘅非政府機構都有提供性病測試,例如關懷愛滋、香港善導會水銀星三號、香港愛滋病基金會、再思社區健康組織等等。不過,性病係有空窗期嘅,即係指已經感染到性病但身體病毒量仲未高到可以被檢測得到,所以就算真係感染到有性病,起碼都要等三個月之後先至會驗到。

至於呢段時間你都可以觀察自己,睇吓性器官會唔會有粒粒、或者皰疹,都可以睇吓有冇異常質地或者顏色分泌物,會唔會有痕、痛,或者灼痛嘅感覺。因為除咗有機會係性病,都可能會係非性病嘅性器官疾病,例如真菌感染。

最後都提醒返,如果下次再進行性行為嘅時候,不論係任何形式嘅性行為都好,其實都有感染到性病嘅機會,所以都可以考慮全程都用安全套,咁就唔使完事之後咁擔心啦~