好擔心會出事

再危險期的時候,沒有帶安全套進行了性行為,而且感覺射精的時候有部份在裏面。
10分擔心,因為頭痛所以食了止痛藥,相隔8小時後,我先再吃事後丸(72小時),過了一天,我開始食事前,食了一個星期。
到現在已經三星期了,月經還未到。
10分擔心。
希望老師幫我解答:pray:t2::man_bowing:t2:

Hello你好啊

首先首先想問吓你食止痛藥、事後藥同埋事前避孕藥之前有冇睇過醫生?首先事後藥係香港處方藥物,所以唔可以自己買,一定要由醫生處方,另外,每個人對於消化藥物同埋吸收嘅反應速度都唔同,所以好難同你講同時食呢三種藥物會唔會削弱佢哋嘅藥效。

都想同你分享事後避孕丸嘅原理,事後丸係含有高劑量人造荷爾蒙,透過唔同嘅途徑去得知緊急避孕,包括:抑制排卵、增加子宮頸黏液分泌令精子難以通過、改變子宮腔環境令受精卵難以著床。事後丸嘅效用顯著,有97% -99%。好多時事後丸都會包含以上一種或以上嘅功效,所以即使已經排咗卵,只要係指定時間之內按照醫生指示服用都仍然可以做到緊急避孕。喺性行為發生後72小時,或者120小時之內服用就可以。

服用事後避孕之後,再加上第二日食事前避孕藥,有大量嘅人造荷爾蒙,其中一個副作用令到往後嘅經期變得唔規律,有機會提早或廷遲經期,血量都會有機會增加或者減少。但係因為你同時食呢兩種藥,身體有好高劑量嘅人造荷爾蒙,正正因為咁,所以無撤退性出血,喺呢個情況下,都建議可以去睇醫生由佢去決定到底你應唔應該停藥,或者有冇其他處理方法。可以考慮去私家診所或者家計會睇醫生嘅。

食事前避孕藥嘅正確服用方式係喺月經頭5日開始食,開始服用嘅頭一個星期都要使用其他安全措施,例如安全套,如果開始服用時未有月經,頭兩個星期都要使用安全套。

其實無論係咪危險期都好,都建議正確使用安全措施,因為我地無辦法估計到底自己幾時排卵,因為驚奇係好多唔同因素影響,並唔係每個人都係28日為一個月經周期,亦都更加唔係每個人都係第14日就排卵,除非每日用排卵紙或者搵醫生幫我哋檢查,好難真係可以好準確咁推斷自己嘅安全期或者危險期係幾時,同時因為你今個月經周期已經食咗一次事後藥,所以係唔可以係同一個已經周期再食嘅,所以發生性行為嘅時候,建議配合返其他安全措施,例如安全套。

1個讚