haloo 好耐冇見～又係我
呢幾個月都有keep住留意你地糖不甩嘅解答
自己都有好多關於性病同埋女性健康問題想問 不過因為網上面有好多唔清楚/不實既資訊 驚會誤信 所以想問你地解答問題
本身我小學有打9劑hpv疫苗 使唔使再打多次？如果我依家19歲 有咩途徑可以做子宮頸癌檢查～？會唔會好貴？
如果女仔生性病疣 會有咩明顯病徵？大約幾耐會有症狀？生喺陰道入面定出面？肉眼睇會唔會好明顯？
雖然我自己冇任何性病既病徵，但因為都好愛惜自己身體，所以好多時候都會擔心會唔會有任何病，想去社會衛生科做個身體檢查～但係嗰到啲衛生情況如何？同埋流程係點～？
因為我之前過左三個月後去相關機構做愛滋、梅毒同埋丙型肝炎血液快測測試，全部都係陰性～不過都想做埋輕微少少既性病快測 但係會唔會好痛或者好唔舒服？
4.同埋好多人話如果陰道有發炎會有搔癢感覺，個種痕既感覺大約係點？
好多問題
唔好意思～
Hello你好
1)我諗你講緊嘅係九價HPV疫苗，其實HPV病毒係高達大概150種，當中有啲會比較高危，會導致子宮頸癌或者其他嘅情況發生，9價嘅HPV疫苗就可以覆蓋當中九種高危嘅HPV病毒。因為HPV九合一疫苗上市時間較短，所以而家都冇一個確實答案可以回應到到底實質嘅有效期係幾耐，不過一般HPV疫苗有效期達八年或以上，喺接種過HPV疫苗後，你想嘅話，都可以定期進行子宮抺片檢查。如果想做關於子宮頸嘅檢查，一般都可以去私家診所或者家計會，
2)假如女性感染性病疣，可能會感到陰部局部痕癢、疼痛，不過亦有患者係冇症狀嘅，通常會生喺外陰、陰道、子宮頸。亦都可能會有陰道分泌物增加、陰道出血等情況出現。即使發生性行為時使用安全套都仍然有傳染性病疣嘅風險，因為安全套唔能夠覆蓋成個生殖器嘅表面。
3)想問清楚你指輕微小小嘅性病快測係指啲咩？只要係符合資格嘅香港身份證持有者，可以免費去社會衛生服務核下診所求醫，通常事前唔需要預約，不過你都可以打電話去咗診所先同佢講你嘅情況同埋想做嘅測試，睇吓嗰邊會有啲咩處理，同埋做完測試後你愈大概三個星期至一個月就會收到報告。需要留意番診症嘅時段同埋登記時間。醫生一般會睇吓患者身體有冇啲咩異常情況，例如性器官有冇異常嘅肉粒、水泡、潰瘍等，針對住唔同嘅性病都會有唔同嘅方法去進行檢測，包括血清測試、鄺圓體測試、DNA測試等等，佢哋所需嘅樣本都唔同，包括有血液樣本、尿液樣本、採樣棉棒抽取唔同部位嘅細胞組織樣本，例如口腔、喉嚨、陰道、子宮頸等。
4)陰道炎都有幾種唔同類型，包括細菌性陰道炎、念珠菌陰道炎、滴蟲聖陰道炎，等除咗外陰會感到痕癢外亦都會有其他嘅症狀，例如分泌物有異味、陰道疼痛、分泌物增加並且變黃、小便刺痛等，呢啲都係比較容易留意到嘅症狀嚟嘅。如果陰道發炎嘅話咁都有機會會感到痕癢，係好難忍耐嘅，可能要兩隻腳夾實你先會感覺舒服少少，甚至可能需要用到有薄荷嘅藥物，就同平時可能因為天氣熱或者太耐冇換護墊造成嘅痕癢好唔同嘅。
但係如果用身分證會唔會有record？
即係屋企人會唔會睇到或者check到嗰種
因為病歷係屬於個人私隱，所以其他人係唔會check到或者睇到你嘅病歷嘅，根據醫健通嘅保密政策，除非有你個人同意，否則都唔可以向第三方披露你嘅資料，所以你屋企人係唔會睇到你嘅record嘅。