關於口服避孕藥

我今日係第一次食事前避孕藥,係嚟m嘅第二日 係中午食咗第一粒 ,食完之後冇無乜血了 到夜晚就冇曬血啦 係咪正常㗎:sob:

Hello~想首先問下你喺食避孕藥之前有冇諮詢過醫生嘅意見?因為如果你係第一次服用避孕藥 的話,一般都會建議服用避孕藥之前,必須諮詢醫生嘅意見,等醫生評估你嘅體質/生活習慣,係咪適合服用避孕藥,或者適合服用邊一個牌子/款式嘅避孕藥:relaxed: 因為每個牌子/款式嘅避孕藥內含有嘅荷爾蒙類型同埋劑量都會有唔同 ,有機會某部分避孕藥唔適合你嘅體質,係有機會引致嚴重嘅副作用。 避孕藥亦並非每個人都適合服用 ,一般常見唔適合食藥嘅情況,例如有心血管疾病、不規律陰道出血、體重過高等。

正常嚟講,避孕藥喺會令每個月嘅出血日數同出血量減少嘅,月經周期會規律啲。不過,通常唔會食咗一粒就出現減少出血嘅情況,你嘅情況有機會係因為你食緊嗰隻避孕藥荷爾蒙劑量太高,未必適合你長期服用。所以建議你先諮詢醫生嘅意見/覆診,暫時嚟講都可以繼續食住呢隻藥先嘅。但係如果出現好嚴重嘅副作用,例如腹痛,頭暈等,就要即刻睇醫生啦!

收到!咁我而家繼續食住先?本身諗住去家計會買藥 但係就唔到時間 所以去咗藥房買咗房美意避食:face_holding_back_tears:咁我如果呢幾日都係冇血咁我係咪可以繼續食落去?同埋係咪會喺食完21粒後就會嚟m?

暫時可以繼續食住先嘅,不過如果你原本係冇見過醫生嘅話,咁都有機會係呢隻藥唔適合你,所以你食完21粒之後都未必會嚟m。咁到時候就可以去返家計會覆診,睇吓需唔需要轉藥。