性行為後三個月驗孕

12月嘅時候同男朋友有過性行為 尋日有用驗孕棒驗到陰性 唔係用晨尿 想問下結果係咪已經準確?因為上網見到hcg到peak之後會慢慢下降 定係其實如果懷孕嘅話成個孕期都會驗到兩條線?唔該晒:raised_hands:t3:

Hello~多謝你嘅提問:heart:首先可以講解下驗孕棒嘅一啲原理,會方便啲解答你嘅問題。驗孕棒其實係透過尿液測緊hCG嘅水平。hCG是卵子受精著床之後身體會產生的一種荷爾蒙。如果真係懷孕,當受精卵著床,身體就會分泌呢種荷爾蒙,hCG。

所以你問到嘅驗尿同驗血嘅準確性問題,其實都唔會有大分別,因為其實都係驗緊身體入邊嘅hCG。只係如果你去醫院驗血,就可以有更詳細嘅報告了解hCG水平,從而推測懷孕週數。但單單係想睇下自己有冇懷孕,其實用驗孕棒還是去醫院驗血都一樣做到呢個效果嘅。

至於驗孕日子上,你可以喺性行為嘅7日之後驗一次,咁就會有初步結果;喺性行為嘅11日或之後再次驗孕,就可以得到更準確嘅結果。因為hCG嘅分泌會隨著懷孕嘅日子增加。所以你於愈後嘅日子驗孕,就會因為體內嘅hCG會愈多,而愈容易得到準確嘅驗孕結果 。

因為而家距離12月已經過咗好耐,所以如果你真係懷孕嘅話,就算唔係用晨尿,個hcg值已經累積到好高,所以會好容易就會驗到出嚟。既然你驗到陰性,咁可以好肯定你係冇懷孕嘅,可以放心:relieved:

唔該你呀 另外想問下懷孕初期嘅出血同埋月經有咩分別 係咪如果月經都有規律嚟就可以排除懷孕嘅可能 因為本身血量都唔特別多:face_holding_back_tears::pray:t2:

Hello
懷孕初期嘅出血係叫著床出血,通常血量都比較少,一塊護墊都可足夠,顏色較淺,只會維持一至兩日,上一次性行為後有月經,就可以排除懷孕嘅可能喇!

好啊唔該晒你:pleading_face::pleading_face:

想問多次如果有懷孕嘅話係咪成個孕期都會驗到兩條線? 好驚係hcg已經無高峰嘅時候咁多所以驗唔到:smiling_face_with_tear:thanksss

Hello你好呀,而家距離你上一次嘅性行為已經過咗三個月,當中亦都有月經,用驗孕棒嘅結果都係陰性,正如上面位同事所講, h CG嘅分泌會隨着懷孕嘅日子增加,所以係過咗三個月後驗孕,仍然係陰性結果嘅話,就代表你係冇懷孕嘅,可以放心。

唔好意思啊又係我
最近其他嘢都好焦慮 嗰日想令自己安心啲就去咗驗血:pleading_face:結果係<0.01 hcg嘅
知道結果之後都安心咗少少 但係仲係會有啲擔心啊。。。係咁諗會唔會有false negative嗰啲
自己有sex之後都成日都好擔心:pleading_face::pleading_face:

如果你係去醫院/專業嘅醫療診所進行驗血,相信結果都非常準確,明白你過咗一段時間都仍然好擔心,但如果科學嘅數字都顯示咗個結果,可能都要同自己講要慢慢相信呢個結果。對於日後嘅性行為,可以同伴侶一齊商量使用適合自己嘅安全措施,咁就可以避免意外懷孕,亦都令自己可以更安心:sneezing_face: