想問點先為之鍾意/愛一個人?

如果一個男仔好鍾意一個女仔係咪一定會心跳加速?

如果攬住女仔又表現心跳同手震係咩意思?會唔會只係生理反應?

Hello~其實每個人嘅感覺都唔同,好難定義有咩身體反應先為之鍾意/愛一個人。有啲人見到鍾意嘅人會心跳加速,手震等等,可能係因為佢好在意對方點睇佢,所以同對方相處嘅時候會比較緊張,先會有以上嘅現象。不過,亦都有人對鍾意嘅人係好放鬆嘅,可以好坦誠咁做自己,唔會咁緊張,反而好輕鬆,所以鍾意呢樣野真係好因人而異嘅。不過個共同點就係你會好在意呢個人,會對佢嘅所有野都感興趣,眼神會忍唔住望住佢,佢開心你開心咁…或者你會唔捨得同對方分開,有啲咩都想同對方分享,想了解佢多啲咁。

至於係咪愛就需要時間去確認,可能要去到一啲特定嘅時間,遇到重大嘅事情/轉折點,先發現對方真係好重要,咁就有可能係愛~

點都好,listen to your heart最重要,如果好困惑,咁不如唔好諗咁多,follow your heart :heart:

好, 唔該哂

1個讚