女朋友好想入到u 但係好多阻礙

我同女朋友一齊左半年 感情好好 相處方面冇咩問題
我今年year 4 不過我係讀完found dip再升上high dip 再升返上degree 但係因為無心向學 gpa唔過3 所以冇升上八大degree

而女朋友係今年dse考生 本身佢係band 1a學生 成績一向唔錯 但係因為喺學校讀得唔係太開心 學業壓力大 成績越來越差 所以喺佢form5嗰年留左一年 之後因為佢同本身細佢一年既同學相處得麻麻 好邊緣 冇乜朋友 讀得更加唔開心 更加無心向學 所以迫於無奈要轉校

而佢依家讀緊嘅學校係私校 但係認受性低 同一般傳統中學好唔同 淨係操卷 啲老師有啲就幾好 有啲就好垃圾 加上啲同學都係因為成績唔好先轉過黎 我驟眼睇過呢間學校啲人 背景都幾雜 好多都係唔讀書 唔上堂 甚至染頭髮
我女朋友冇學壞已經好好 雖然佢上堂有時候都係訓覺 但係佢比起其他同學唔一樣嘅係 佢好想讀大學 好想考好dse 但係佢越諗就越大壓力 加上唔想辜負佢屋企人期望 更加大壓力 搞到有輕微焦慮症 加上佢無幾耐住過院 唔可以咁大壓力 但係佢仍然為呢件事而日日焦慮:crying_cat_face:

而佢最差係數學科 佢好驚會炒 加上佢得一科elective(計埋apl就兩科 不過得2)唔好彩嘅係 佢之前喺舊校做好嘅sba錯手整得差過以前 搞到好低分 如果佢想讀三大 要25分先穩入 但係佢而家呢個情況真係太倉猝 如果而家呢個情況 佢elective拉唔得到幾多 唯有靠主科拉分 但係主科每科起碼要有5*先穩入 佢而家主科可能得3或者4​:crying_cat_face:數學最壞打算嘅話就1 運氣好就2

佢諗到呢個位更加焦慮 日日擔心同埋喊 我自己成績又唔係好得去邊 幫唔到佢…見到佢咁大壓力真係好為佢心痛:broken_heart:我應該點做好?:crying_cat_face:得返一個月時間可以點樣補救?求解答:crying_cat_face:

Hello,聽到你講嘅情況,都明白點解感覺咁焦慮咁擔心 :pleading_face:

首先,考試前一個月固然可以努力啲溫習,將勤補拙,但首先要先處理咗焦慮嘅情緒,因為就算本身已經溫得好熟,操咗好多卷,都可以因為緊張、焦慮、唔夠瞓、瞓唔到之類嘅情況,令考試表現大打折扣,所以,我諗你第一樣可以做嘅,就係嘗試舒緩佢焦慮嘅情緒,至少可以幫喺佢臨場嘅時候,盡量發揮得最好。

咁點樣可以舒緩到焦慮嘅情緒呢?其實可以透過傾談,去拆解返焦慮嘅源頭係乜嘢,係驚令父母失望?係驚自己同一般嘅升學路向脫軌?驚其他人覺得自己唔夠叻同努力?喺發現到呢一啲情緒之後,可以試吓接受自己有呢顧慮,然後針對最關鍵嘅心情去進一步處理,例如:

如果係擔心會辜負父母嘅期望,可以建議佢試吓同父母傾傾,講出自己嘅顧慮,同埋就嚟比壓力壓垮嘅情況,相信佢嘅父母一嚟會比到一啲支持佢,甚至可能會有實際嘅建議添~

如果係驚同一般嘅升學路向脫軌,你可以用你嘅經驗,同佢一齊調整返對於考試結果嘅期望。因為即使想達到嘅目標係入大學,路都唔係只係得一條(DSE直入),就好似你found dip → high dip → u 咁樣,最後都係讀到大學,只係唔係行最直接嘅路線~ 所以如果,最緊要嘅目的係想入到大學嘅話,可以思考吓唔同嘅可能性,因為其實唔係一試定生死架~ 如果你身邊有其他朋友都係類似嘅升學路線,你都可以同佢分享,相信如果感覺有其他嘅可能性,個心都會冇咁慌~

仲有,亦都可以喺平伏情緒之後,諗吓其實自己未來想讀/想做乜嘢,以果個為目標,再實踐入大學呢個中途目標~ 因為因應想讀嘅科系,其實首先唔一定要aim 三大,因為有啲科系喺行業入面,並唔係三大一定最好,而讀到大學本身亦唔係得一種方法。

呢度我舉個例,我有唔少朋友都係HKU space 入返U;有啲係入咗行做緊果行,然後公司refer +出錢比佢讀同一個專業嘅bachelor degree;亦有啲而家已經喺大學教緊書,本身都係non-JUPAS 咁升學,bachelor 嘅時候讀嘅係top-up,收生要求冇UGC-funded 果啲咁高架~

所以真係唔係一試定生死架,最緊要係知道自己想向邊邊發展,最後其實都係條條大路通羅馬架 :slight_smile:

最後,都希望你留意吓自己都會唔會擔心到好焦慮,焦慮到影響到日常生活,如果係嘅話,都建議你照顧返自己先,因為如果你都好焦慮嘅話,就好難接住對方嘅情緒,同埋同佢一齊同行架~

希望以上回答幫到你 :revolving_hearts:

明白:crying_cat_face:唔該哂你:crying_cat_face:多謝你嘅意見:sob:
因為佢身邊好多舊校師兄師姐 同埋屋企人睇好佢入港大或者中大 佢本身係高材生 而佢自己想讀sowk或者llb (llb仲要30幾分:dizzy_face:)
可惜學校壓力 同埋身邊d人對佢嘅期望實在太高
令佢不得不迫自己 結果弄巧反拙
加上喺佢中三嗰年 佢有幾frd嘅師兄師姐
短時間內因學業壓力自殺 佢幾乎中三至中五係好depressed
留級嗰年無乜人主動同佢相處 因為佢有個本身細佢一屆嘅ex同班(我女朋友留級之後同佢同屆)佢個ex夾埋成級大部分人排斥佢 真係好賤格
成個學年就咁浪費左之餘 仲要比人杯葛 真係好慘
新學校資源又唔多
我做男朋友唯有係陪佢多d 好好照顧佢情緒:crying_cat_face: