同女朋友都係中學生 佢14歲。同佢做嗰陣有帶安全套，我哋2月7做過，做完check左無穿無漏。2月28有買去曼寧買驗孕棒驗過，係一條線。之後因為佢胸痛同埋試過一次想嘔，係3月9號因為仲未黎就再驗多次，都係一條線。
佢黎m 嘅週期好長，最少都係34日黎一次，上次係39日先黎，但係等到宜家都42日都未黎。每次都係買兩隻驗孕棒同時check，驚有誤差。想問下係唔係驗孕棒check 左咁多次都係一條線就係一定無事？同埋可以做d咩令佢快啲黎m？
Hello
有關驗孕棒嘅問題，因為驗孕棒係透過檢測尿液中嘅hCG (人絨毛膜促性腺激素)含量，呢款激素會係受精卵著床後開始大量分泌，而一般受精著床呢個過程需要6-9日，所以係性行為後7日使用驗孕棒的話會有初步嘅結果。而係11日後或者預計經期嘅日子驗孕結果會更加準確。咁睇返你係2月7日發生性行為，所以2月28日，同埋3月9日都係喺性行為後11日進行驗孕，結果可以話係非常準確。
至於仲未嚟月經嘅部份，月經本身就係可以被不同外在同內在因素影響嘅事，例如病過、食過藥、情緒有起伏、有壓力、生活作息有明顯改變等等，都係可以導致荷爾蒙水平有變動，從而影響到月經周期嘅原因。有時即使冇發生過一啲明顯嘅變化，月經周期都係可以有變動嘅！唔係話每一個人每一個月嘅月經周期都會一模一樣，亦好少係每個月都同一日嚟月經。所以即使月經日子同預期嘅有差距都唔需要太擔心，可以留意吓女朋友有冇經歷上述提及嘅生活變化，觀察多幾日～
另外我哋都有責任提一提你，與16歲以下未成年女性發生性行為，喺香港屬於違法行為，即使對方係同意都好，都可以構成罪行。所以都建議你同女朋友商量一下，會唔會係呢段時間都用其他嘅方式取代插入式性行為，咁就可以保障大家嘅安全，又避免到意外懷孕嘅風險
1個讚