安全套的問題

我想問下上一次做嗰陣,我有戴好安全套,只係安全套側邊唔係好貼,但係嗰圈圈就依然係底部,做嗰陣都冇甩出嚟,外射,之後灌水都冇漏,咁係咪安全㗎

啫係嗰圈圈一直喺陰道嘅出面

好多謝你既問題,聽你咁講整個性行為過程都係安全既,因為有戴好安全套同無甩出嚟,不過可能size上唔係太合適,你應考慮揀返適合自己既安全套,所以如果安全套尺寸唔合適,係性行為時係有脫落風險的。

你可以用以下方法選擇一個合適size既安全套。一般歐美/香港的安全套,常用寬度以計算尺碼,即安全套擠扁時橫向既長度,數值上係圓周既一半,只要量度充血陰莖根部既圓周,再將圓周除二即等於寬度。而日本牌子的安全套就常用直徑,即安全套放平時圓形既直徑,在數學上直徑 x 3.14 = 圓周, 只要量度充血陰莖根部既圓周,再除以3.14,便是陰莖直徑。了解清楚尺寸,咁樣就好容易選擇合適size既安全套,有關點樣揀選合適size嘅安全套可以參考以下嘅文章:揀選合適size嘅安全套

而你提到安全套既圈圈係套到陰莖根部,呢個係好正確既使用方法。使用安全套時係需要由龜頭套到落陰莖根部既,如果無套落至根部同樣會有中途鬆脫既機會。你亦可參考一下正確使用安全套既方法,可以參考以下文章:正確使用安全套既方法

希望可以幫到你啦!

1個讚