Hello
我之前食咗yaz兩個月 但醫生叫我停一停藥先 所以今個月冇食
咁琴晚我同男朋友突然興起做咗 因為冇dom 所以佢冇射係入面 我番屋企沖涼都有用熱水清洗 （完事到番到屋企大概相隔一個鐘）
但我睇番自己mark 嘅月經周期月曆 發現琴日係排卵期 擔心會因為佢嘅前列腺液而有BB
想問有BB嘅機率大唔大？我需唔需要食事後藥？
（但之前醫生同我講話暫時唔建議我食含有hormones嘅藥物）
Hello，收到你既問題，知道你最近一次性行為無採取安全措施，係有懷孕風險的，但有幾大機會就難以評估。
但由於醫生暫時唔建議你服食含賀爾蒙藥物，所以事後丸未必適合你宜家既情況。不過由於事後丸有分性行為後72小時或者120小時內服用兩種，所以都建議你盡快係性行為後72小時內揾醫生求診，查詢一下你係咪唔可以用事後丸作事後避孕。同埋提醒你見醫生時記住講返自己最近俾醫生停服避孕藥，同暫時唔建議你服食含賀爾蒙藥物嘅情況俾醫生知，等醫生判斷你嘅身體係咪仍然適合透過呢個方式緊急避孕。如果唔適合的話，其實仲可以考慮係120小時內配戴子宮環作緊急避孕，而且事後子宮環亦可以繼續留係體內，作為長期避孕嘅工具。
希望呢啲資訊幫到你，記得要盡快去見醫生。