Hello 係咁嘅，2月頭嚟咗M, 喺18號食咗次事後丸，差唔多24號就嚟M了。想問吓係咪就冇事？同埋下一個月嘅經期係唔係延遲到月尾了？
Hello，先多謝你既問題。你係2月24號已出現月經，即表示你沒有懷孕，所以唔使再擔心。由於事後丸嘅原理係透過抑制排卵、增加子宮頸黏液濃稠度，從而阻止精子同卵子結合 。並且透過改變子宮內受精卵著床的環境 ，令受精卵難以著床。事後丸含有高劑量嘅荷爾蒙，所以服用事後丸後會產生副作用，例如導致下一次月經提前或推遲，影響嚟月經嘅日數同經血量，感到頭暈嘔心等，不過事後丸嘅副作用一般只會影響到一至兩個月經週期。
至於下個月嘅月經係唔係一家延遲到月尾，就真係因人而異，有啲人服食事後丸後，會導致月經提前或推遲，有啲人就無影響，所以你下個月月經唔一定會延遲，你可以留意一下自己有無平時月經前既一啲生理變化，去觀察一下下一次月經來臨。
同埋都要提醒一下，係一個月經周期內只可以服用一次事後丸，而每次性行為都應該採取安全措施咁就可以盡量避免懷孕既風險。
好，唔診唒