本身我自己有唇毛問題，困擾左好耐，遠睇就冇乜問題，但係平時同男朋友kiss或者面對面對住對方，我自己都會好尷尬
間唔中都有清潔塊面，不過都仲好明顯….好想清除但係又唔知有咩方法，聽講有得激光脫毛，但係一黎比較貴，二黎唔知邊間有信譽保證，有咩辦法可以自行清除？
你好，先多謝你既問題。首先，要明白毛髮多少人人都唔一樣，可能女仔會對儀容比例在意，所以係社交生活上有唇毛可能都會造成尷尬。不過其實都可以問下男朋友對你既唇毛有無睇法，如果佢唔介意，你亦可不用太在意。不過明白女仔都愛美，如果你想去除唇毛，可以考慮做激光，到有信譽和口碑既醫美機構或美容院查詢一下，睇下價錢係咪自己負擔範圍。如果財政負擔上有壓力，亦可考慮定期到普通的美容院進行除毛 / 線面等，可能都可以解決唇毛問題。不過要明白每個人既身體都獨一無二的，亦唔需要太擔心人地既睇法，學習一下欣賞自己，可以令自己更有自信。