下面好大力咁壓會有一小點2mm咁大既白色嘢喺尿道口流出嚟，淨係朝早先有
去社衛睇，了咗尿道，話check到有發炎但係唔知係咩原因
唔係淋病，咁會係乜呢？
Hello
請問除咗你提及嘅病徵之外，有冇其他病徵？例如：排尿會痛會有灼熱感，尿液混濁，尿中帶血，經常尿急等？
見你提及有去過社會衛生科， check到係尿道發炎，都建議你可以問清楚醫生係指緊邊一種嘅尿道炎。因為尿道炎主要分兩種，第一種係由其他細菌，如大腸桿菌、綠膿桿菌、披衣菌等引起。第二種屬於細菌型性病嘅尿道炎，主要分為淋病同埋非淋病性性尿道炎。兩種尿道炎只需要完成整個抗生素療程都可以根治，如果唔及時接受治療嘅話，有機會導致骨盆腔炎。除咗係由細菌感染之外，唔安全嘅性行為，或者性行為後未妥善清潔都有機會導致尿道炎。如果平時嘅生活習慣不佳，例如飲水量不足，經常憋尿等，都會導致尿道炎。
所以現階段可以先建議你做好日常嘅性器官清潔，避免穿着過緊嘅內衣褲同埋面褲，亦都暫停性行為，盡快去睇醫生，並且按照醫生指示服食抗生素。
話見唔比有淋病細菌，已經食緊藥