Hello多謝你嘅提問
首先同你解釋一下排卵棒嘅原理。以Clearblue Digital 排卵測試棒為例，係透過檢測黃體生成素 (LH) 呢個關鍵嘅生育荷爾蒙水平變化，去確定每個月經週期最容易受孕嗰2日，有助將自然受孕機率提升至最高。簡單啲嚟講排卵棒嘅結果係顯示最容易受孕嘅日子，即係排卵期前後嘅日子，所以如果結果係顯示Positive(2條線)，就即係代表嗰幾日發生性行為會容易受孕。
見你提及三月頭有同男朋友發生性行為，如果係發生唔安全嘅性行為，想知道自己有冇懷孕，應該係使用驗孕棒，而唔係排卵棒呢
或者有冇其他原因，所以你哋會用排卵棒？
下面粉紅色係驗孕棒
今日同男朋友有性行為 不過全程都有戴套
因為尋晚見下面有透明+乳白色 味偏酸既白帶 量比平時多少少 之前喺app上面話呢兩日排卵機會大 咁所以諗住用排卵棒睇下係咪真係撞正排卵日 然後今朝起身就兩條線
？
Hello~我哋通常會建議喺性行為之後嘅7-11日進行驗孕，因為驗孕棒其實係透過尿液測緊hCG嘅水平。hCG是卵子受精著床之後身體會產生的一種荷爾蒙。如果真係懷孕，當受精卵著床，身體就會分泌呢種荷爾蒙，hCG。所以喺性行為嘅7日之後驗，就會有初步結果；喺性行為嘅11日或之後再次驗孕，就可以得到更準確嘅結果。因為hCG嘅分泌會隨著懷孕嘅日子增加。所以你於愈後嘅日子驗孕，就會因為體內嘅hCG會愈多，而愈容易得到準確嘅驗孕結果 。
如果你2日前驗嘅時候距離對上一次性行為已經過咗11日，咁就係冇懷孕。如果未過，咁可以等11日嘅時候再驗多次。
另外，其實喺性行為發生期間，陰莖係性興奮時會流出透明嘅尿道球腺液，尿道球腺液有機會含有少量精子，所以就係只係插左幾下，如果尿道球腺液直接接觸到陰道都係會有懷孕嘅機會。所以如果未有生育嘅打算，建議每次性行為全程都要使用安全措施，咁就更加安心啦🫶🏻。
明白你嘅焦慮嘅，不過排卵棒淨係可以顯示到身體排咗卵未，唔代表你係嗰日排卵。而排卵棒實際上係for couples用黎備孕嘅，所以除非你係想要小朋友，如果唔係，係冇需要使用到排卵棒嘅。
加上精子可以喺體內存活3-5日，無論你排咗卵定係未排卵，其實懷孕嘅機率都係差唔多嘅。即係話，無論係月經週期裡面嘅任何時段，例如係安全期，排卵期，甚至黎左月經，只要進行唔安全嘅性行為（冇戴套進行插入式行為，又或者分泌物有接觸到雙方嘅性器官)，都會有懷孕風險。
係呀～性性為11日後嘅驗孕結果係足夠準確嘅，代表冇懷孕。記住之後無論咩日子，無論進行任何形式嘅性行為，都要做好安全措施啦！