血液通過陰莖動脈流入海綿體
有動脈當然仲有靜脈，靜脈係畀血液流出的
要勃起，血液就必須一直流喺陰莖，或者流入嘅血液必須比流出嘅多先得
呢啲都啱，應該
但係下一段
隨住陰莖勃起次數增多，海綿體白膜就會撕裂同磨損，久而久之，就會生出新嘅靜脈，靜脈多咗，流出嘅血液就多咗，硬度就會下降
其實係真定假？如果係真嘅話好驚喎，我咪唔可以成日同男朋友做囉
但係又有啲網站話太耐唔勃起亦都唔好
咁應該要點？
係咪要中庸 
不過我最想知嘅就係勃起得多真係會令陰莖越嚟越軟？
Hello
其實呢啲情況，都係因應唔同人身體而異，好難好統一咁講。不過，其實海綿體白膜撕裂呢啲情況更多係出現喺進行性行為期間，性行為嘅姿勢唔小心令到佢撕裂咗，或者係自慰方式或者性行為太過激烈，令到佢或者血管或者海綿體受損，呢啲情況先會令到勃起出現問題。而且其實佢係可以修補到嘅，只要休息返一段時間，佢就可以恢復。
而且硬度呢啲，更多係受年紀、性慾、生活作息所影響，亦都可以透過運動，飲食習慣等等訓練返嚟。當然，過多嘅自慰或者性行為對身體的確未必係太好，但咩叫「過多」又係好因人而異，係要睇唔同人嘅身體接受能力。所以簡單啲講，就係要搵一個合適嘅頻率，亦都類似你所講嘅中庸。
唔知解唔解答得到你嘅疑問？ 
解答到啊 
唔該你
原來係可以修補到嘅，因為我見佢話 生出新嘅靜脈，靜脈多咗，流出嘅血液就多咗，硬度就會下降 ，仲以為係irreversible添