社會衛生科環境好吾好?

你好 想問少少問題
因為上年一月同ex無套
加上吾係好了解對方性經驗
所以兩個月前喺關懷愛滋同埋Choices做aids 梅毒&丙型檢測 全部都係-ve
本身想去社會衛生科驗埋其他性病檢測 例如hpv同埋其他性病 不過驚社會衛生科啲醫生護士態度差之餘 嗰度d儀器同埋檢測用具吾乾淨 會交叉感染 所以吾敢睇。。。
同埋因為差唔多一年時間 我身體都冇任何異況病徵 去廁所 日常生活都冇大問題 純碎想求個安心 但聽講如果冇病徵 醫生吾會幫我抽分泌物化驗 呢個係咪真?如果驗的話會吾會好痛

Hello

其實大部分性病嘅空窗期都係3個月,以你所講嘅情況,基本上你上次嘅檢查已經過咗空窗期,所以結果都已經係準確,所以都唔洗太擔心。

至於社會衛生科嘅醫生護士態度嘅評價人人各異,可能唔同人會遇到唔同情況,呢度都好難答到你。但檢查嘅儀器同器具都會係安全同乾淨嘅。而社會衛生科的確會按照唔同人嘅唔同狀況,例如近期有冇高風險性行為、有冇明顯病徵出現等等,再作出唔同嘅評估,睇吓有冇必要去做唔同嘅檢查,先再安排返適當嘅檢查或者診療。

最後都提醒返,喺發生性行為嘅時候,如果未有生育計劃,或者擔心會患上性病風險嘅話,都可以考慮用返安全套,咁就唔使事後咁擔心。

希望都幫到你。 :heart_hands:

大約流程係點?做幾耐左右
因為本身自己有anxiety 想有定心理準備
雖然呢年就無任何性病入面嘅任何一啲明顯病徵
例如下體痕 生粒粒 痾尿灼痛 呢啲都無
但聽講見有d性病係無病徵 好焦慮好擔心
自己又好驚病毒細菌

Hello流程大概如下:relieved:

  1. 出示身分證登記、填寫個人資料
  2. 見醫生(詢問性經驗、為何想做檢測、最近一次性行為是什麼時候)
  3. 抽血
  4. 抽取性器官分泌物(尿道或/及陰道)
  5. 見醫生(如有感染症狀,醫生會即時處方藥物)
  6. 見護士(簡述性病起因,提醒注意事項-使用安全措施,交代看報告安排)
  7. 去藥房取藥(如有)

不過其實過左一年多啲 如果冇病徵或者異樣係咪可以唔使睇?

因為唔同性病有唔同嘅空窗期同潛伏期,所以即使身體感染左細菌/病毒之後,未必會即時出現病徵,有啲人甚至感染左細菌/病毒之後一年之後先會出現病徵,所以冇病徵唔代表未感染性病。但當然你如果係擔心,或者想求個安心,去做檢查都係可以的~