1.做之前有清理乾淨陰莖上嘅液體
2.做之前就有帶，而且佩戴正確
3.做完之後有檢查避孕套冇漏水
4.而且做完之後，有幫女朋友用花灑清潔下體
5而且冇體內射精
想問咁樣會唔會懷孕
Hello 好欣賞你又做咁多步驟檢查清楚再發生安全性行為。
以你所講嘅步驟，如果都有做啱晒嘅話，相信係唔會導致懷孕嘅。正確嘅佩戴過程應該係，佩戴之前係有分啱正反面，並且係佩戴時候將儲精囊嘅空氣整走。你提到你係發生性行為之前已經帶咗，係非常好，而你都提到你佩戴正確，做完之後亦有檢查有冇漏水，基本上做足晒可以確保係完美佩戴安全套。
不過都要確保安全套嘅尺寸係合適（歐美/香港牌子通常計闊度，即係充血陰莖根部圓周除2，而日本牌子多數計直徑，即係充血陰莖根部圓周除以3.14），同埋喺除安全套嗰時，都記住要用紙巾包住咁除，確保唔會喺除低安全套嘅時候唔小心將精液流出。如果你肯定你除安全套嘅時候並冇唔小心將精液溢出嘅話，咁就完全唔使擔心會懷孕啦。