呢幾日特別注意到上下唇有白色唔知係甩皮定係點 有邊一類性病會有甘嘅情況發生？好驚
定係其他病或者衛生清潔問題？上網話係口腔黏膜炎/口腔癌……但係我唔煙唔酒ga wor
之後臨睡覺前試下用牙刷清走 掂落去雖然仲有少少鞋烚烚 不過淡到幾乎睇唔到
Hello你好啊
首先性病係屬於傳染病，不分年齡、性別、種族，一般透過性接觸，不論係性交、肛交、口交或生殖器之間皮膚接觸，就有機會經由血液、精液或其他體液感染性病。而性病一般可以分為細菌型性病，或者係病毒型性病。前者大多數都可以完全根治，而後者大多數未有藥物可以完全根治，但可以控制病情，例如愛滋病，性病疣（椰菜花）。我會喺口腔出現病徵琪大致上有可能係梅毒或者唇部泡疹，但係就比較少係你圖中嘅情況，通常都會係可能係嘴邊有紅疹或者潰瘍，見到都有提到用牙刷係可以清走嘅，其實都有機會可能係因為天氣乾燥而造成嘅死皮。
喺度想問吓有冇發生過不安全嘅性接觸?即係冇用安全套，因為咁樣會增加感染性病嘅風險。
如果過多一排你都係好擔心嘅話，建議你可以選擇去以下機構做免費嘅性病測試。
政府社會衛生科服務診所：各類型性病檢查（較全面，能即時知結果及比藥）
關懷愛滋：25歲或以下青少年、男男性接觸者－愛滋滋病病毒／梅毒／淋病／衣原體／丙型肝炎
香港愛滋病基金會：愛滋滋病病毒／梅毒／丙型肝炎
再思社區健康組織 (C.H.O.I.C.E.) ：愛滋病病毒／梅毒
*因為最近受疫情影響，建議前往之前，先到相關網站睇下機構有無開～