應該話唔主動射精？
其實咁樣算唔算禁慾呢 
但我其實唔係想禁慾，我只係純粹唔想自慰 唔知咁樣講係咪有矛盾啦
個原因係其實我自己唔太享受自慰，高潮/射精其實並唔係真係咁舒服 對我嚟講
而且每次射精之後第二日勃起都一定會痛，可能係我自慰嘅時間太長？因為我通常都係edging幾十分鐘，總體勃起時間太耐所以第二日痛？
但如果唔咁樣做，淨係為咗射精嗰幾秒而一嚟就畀最大刺激嘅話，又會覺得唔夠pleasure
加上又唔似女仔咁可以連續高潮，可能都唔係個個女仔可以啦，但天生嘅結構註定男仔係更加難，應該係
由於以上原因，我最近（都已經幾個月，唔知仲算唔算最近喇）少咗自慰
不過我甚至想完全唔自慰，又會痛，又要清潔，但又唔係話好享受
所以想問下如果長期冇射精嘅話，其實有冇壞處
上網見到話會增加前列腺患病嘅風險 
唔知真定假喇
但即使我唔自慰，身體應該都會自己有機制去處理？例如夢遺/自己吸收
唔該晒 
Hello~等我逐題答返你啦！
其實嚴格嚟講係冇嘅，不過如果你係長期焗住，即係有勃起，但強行忍住唔射，咁就有機會對身體有害，例如出現blue balls。blue balls常見症狀為睪丸有唔舒服/墜墜地嘅感覺。而呢個現象係因為陰莖勃起左一段長時間，大量血液長期積聚喺陰莖所造成。如果你冇射然後覺得唔舒服，呢個有可能係因為你冇射所以令陰莖keep住處於充血狀態導致不適，咁就係唔理想嘅。
至於你問
呢個就唔一定嘅，因為前列腺癌的成因主要同年紀有關，此外長期吸煙、進食加工食物亦係致病原因 。但長期唔射精就唔係直接嘅致病因素。
而你話
其實只要你冇好強烈想射嘅慾望，其實身體係唔會製造精子並輸送到輸精管嘅，所以唔係用夢遺處理，而係身體冇製造/會代謝咗佢。
見到你話
咁的確係太長嘅，如果想訓練自己嘅持久度，又想減少疼痛， 建議你可以嘗試其他方向：凱格爾運動 。凱格爾運動係不斷收縮骨盤底肌嘅運動嚟嘅，佢嘅好處有好多，其中就包括咗增加陰莖嘅硬度、改善早洩、治療前列腺疼痛等等。首先要搵到骨盤底肌係邊度先，你可以試下去小便嘅時候嘗試中斷尿流，中斷時用力嘅位置就係骨盤底肌啦。平時就唔好係小便嘅時候夾斷尿流啦，避免膀胱壓力過大。記住果收緊骨盤底肌嘅感覺，然後就可以試下每日練習。例如一開始可以嘗試收縮嗰組肌肉5秒，然後放鬆5秒，咁樣為之一組，重複呢組動作10次。然後當身體適應咗，可以再加長加多鍛煉嘅時間同次數。但喺都提醒你啱啱開始做嘅時候，都可以循序漸進咁練習，日子耐咗就會見到效果架啦～ 
咁如果等到blue balls先至自慰係咪都算係唔理想？
所以即係應該定期自慰射精？
原來咁樣已經算太長㗎嗱 
咁有冇話咩時間先至算適合
Tahnk you 
只要唔係長期勃起嘅話，係唔會造成blue balls嘅。不過盡量唔好強迫自己唔射精，真係有需要嘅話就要自慰，不過就冇話要定時定候嘅，都好睇你當時嘅狀態同埋你嘅個人習慣。
至於你問有冇話咩時間先算合適，其實係冇嘅。因為勃起去到射精嘅時間係好因人而異嘅，只要長過1-2分鐘就唔算係早洩，當然時間越長亦都唔代表越好。睇返全球嘅數據，平均男性喺性行為當中，由勃起去到射精嘅時間係大約19分鐘。幾十分鐘嘅話就真係太長，未必對身體好，加上你已經有痛嘅感覺，咁就有必要縮短啦！
補充返少少先，嗰幾十分鐘入面唔係一直keep住勃起，而係刺激一陣就停，再刺激，再停 keep住重覆，所以係軟下硬下咁
我仲試過兩三個鐘添 
原來真係唔好嘅
補充返少少先，嗰幾十分鐘入面唔係一直keep住勃起，而係刺激一陣就停，再刺激，再停 keep住重覆，所以係軟下硬下咁
我仲試過兩三個鐘添
原來真係唔好嘅，咁以後都係唔好咁做喇
點先算有需要應該都係因人而異？冇一個標準？
我就係feel唔到自己有需要
所以先至開咗呢個post，問下唔自慰對身體有冇影響
既然冇影響，咁就真係可以唔自慰
唔該晒你啊
hello你好啊
其實一直講緊嘅需要係指性需要，如果自慰對你嚟講係唔舒服嘅，亦無感受到性需要，係可以唔自慰嘅，對身體都唔會有負面影響。上面cherry講緊嘅大前提係你有性需要但忍住唔射精，所以先會有blue balls嘅情況出現。
係到都想問下，你有無感受到性需要？如果有嘅話，都唔建議強迫自己唔射精，有性需要嘅話就要自慰，強迫自己唔射精反而更唔好。
我都唔知
其實性需要係咪形容唔到？
hello
主要睇你有無想射精嘅感覺，依個都係一個容易分辨到嘅感受。
或者可以唔使將需要兩隻字睇得太複雜，遵從返內心嘅感受，睇返當下有冇呢個慾望
除咗主動去刺激之外，又好似真係冇想射精嘅慾望
如果係自己做主動去刺激嘅話，咁即係都有性慾，咁都算係有性需要啊～