想再問問，女朋友驗完一條線，但未黎m ，又有經期既症狀，呢2日又有啡色野和紅塊，甘其實係點解呢，謝謝
Hello~首先想問吓你女朋友驗孕嘅日子距離佢最後一次性行為相隔咗幾耐？如果已經過咗11日嘅話，咁個驗孕結果就好準確，唔需要擔心懷孕。如果未夠嘅話，就建議等到11日之後再驗多次去confirm。另外都會想問吓你話
想問吓你女朋友本身應該係大約幾多號嚟M？而家係早咗？同埋你講話有經期嘅症狀，可唔可以俾啲例子？呢幾樣嘢都可以幫到我哋去判斷今次嘅出血係唔係月經。睇返你嘅情況，而家嘅可能性有幾種：
- 月經提早
- 陰道出血
- 排卵期出血
- 着床性出血
如果係1嘅話，就唔需要擔心嘅。因為本身就有好多因素影響月經周期，例如飲食、運動習慣、生活壓力等等。只要唔係早咗好多（早咗多個7日)，咁都係正常嘅。
如果係第2個原因嘅話，好大可能係因為性行為嘅過程之中，陰莖同陰道磨擦得太犀利，或者係手交嘅時候，對方指甲太長，刮傷咗陰道，導致出現傷口。如果係呢個情況嘅話，可以留意流出嚟嘅血量。通常血量都唔會太多，同埋一開頭係鮮紅色嘅，氧化之後先變成啡色。呢種情況只要休息3-5日，就可以自然恢復。但係就需要暫時暫停所有性行為，同埋要頻密啲更換護墊或者衛生巾，避免出現細菌感染嘅情況。
如果係第3個原因嘅話，咁通常會伴隨分泌物變多嘅情況。亦都唔排除第2同第3個原因同時出現，你見到嘅血塊其實係傷口流出嘅血+分泌物所造成。所以可以叫你女朋友留意吓流出嚟嘅血係咩質地嘅，同埋通過持續出血咗幾耐去判斷。
如果係第4個原因嘅話，就有可能係懷孕嘅先兆。但係因為唔係每個孕婦都會出現呢個情況，所以可以留意吓出血量先。如果係着床性出血嘅話，成個過程只會維持1-2日，同埋出血量係好少嘅，大概一個護墊都裝得晒。通常好少出現血塊，所以呢個可能性都係比較低嘅，唔需要太擔心。好似我上面咁講，如果已經過咗11日嘅話，咁你女朋友今日嘅驗孕結果已經好準確，就可以排除呢個原因啦！
希望以上嘅資料幫到你🫶🏻
依家距離上次性行為係過了10日到，
琴日晚上有驗，今早就用晨尿驗的，都係1條線的
佢通常黎m前會出冷汗，會有黎m時既m痛，
依家有呢d症狀
如果係咁嘅話可以等聽日朝早再驗多次去confirm個結果阿～
如果而家個日子都係近佢平時嚟月經嘅時間嘅話，咁有機會真係嚟M。都可以留意吓之後嗰幾日嘅出血量，睇吓係咪好似平時月經咁多，如果係嘅話，咁就應該係月經喇～
遲了8日了
就是遲了一星期先琴日驗
如果咁嘅話，個驗孕結果應該都係準確嘅，咁比較大可能係嚟月經。