未黎M 胸脹 驗左孕

想問下我自己本身M係唔太準,上個月31日,前個月37日先黎M. 之前都有32 34日,亦有試過41日咁先黎。。

而上個月2月14有做過,有途中生殖器官摩擦,但插入時係有帶套,同冇穿的。之後就再冇做過,同2月黎m係2月4日到2月12日(尾兩日少啲M)。

但今日3月17日都未黎m,前日用左棒棒驗係冇懷孕,冇用到早晨第一次尿尿,因為見佢寫如果係預計來經之日唔係提前驗可以當日任何時段尿尿都得。

呢幾日個胸都感覺好脹,但仲係冇M.
不過今個月好攰好夜訓,做野做得夜同轉左工。宜家未黎m個人更加放鬆唔到。。好驚,希望有回答幫到。

Hello~明白月經遲嚟係會好焦慮嘅:pleading_face:。睇返你最後一次性行為係2月14號,距離宜家已經過咗成個月,所以你前日嘅驗孕結果已經係最準確嘅,可以肯定你係冇懷孕嘅。

至於月經延遲嘅原因有好多,體重過輕,壓力大,生活唔規律…都會導致月經遲嚟。除非月經比起平時遲咗三個星期以上都未嚟,先至需要睇醫生,等醫生考慮會唔會處方荷爾蒙藥物畀你去催經。不過見到你已有出現胸漲嘅情況,咁大機率係就快嚟m,所以現階段可以再等下先~

不過因為見到你話平時嚟m都好唔準嘅,你會唔會考慮去家計會做個詳細嘅婦科檢查?因為月經周期咁唔規律,有機會係暗示緊身體有唔好嘅狀況,最worse嘅case係代表有子宮相關嘅疾病,例如卵巢多囊症。詳細嘅檢查內容可以參考以下網址:

如果有需要嘅話,都可以問吓醫生會唔會開避孕藥俾你調經,等你唔使因為月經唔準而囉囉攣🫶🏻

1個讚

好多謝你地咁快既回答 :sob:真係可以幫好多唔清楚又好擔心既人 :scream:尤其是我呢啲好容易焦慮既女仔。。

想另外再問下,我驗孕前飲左一杯市面上通用既圓錐紙杯咁份量水會唔會影響結果?

同另外見人話因為有左都會胸漲同乳頭變黑?所以見到又擔心。。不過自己之前黎m都係有胸漲。

同呢幾日分泌物明顯有多左,想請教下係米都係黎m前徵兆?

因為其實諗住今日睇家庭醫生安心下,但我唔清楚其實醫生係採取咩行動?係米都係棒棒驗? :sob:一話會直接開藥?其實睇醫生都想ensure冇事唔知有乜方法佢會用。

同十分感謝你地建議用避孕藥調經,呢種藥係米就係市面上事前個種? :pleading_face:

咁多問題,真係麻煩晒你地。同好感激有個咁既平台大家可以一齊講下同有你地詳細解答

Hello你好呀

驗孕棒主要是測量尿液中人绒毛膜促性腺激素(HCG)的含量,而HCG係會隨着時間而累積嘅,所以一杯水嘅份量係唔會影響驗孕結果嘅,喺性行為後隔咗一段時間進行驗孕,呢個結果係準確嘅。而你所講嘅一啲懷孕特徵都唔係淨係懷孕時候先會出現,正如你自己所講,之前嚟M前都會有胸像嘅情況出現,所以呢啲都唔可以成為判斷自己係咪懷孕嘅準則。

冇錯呀分泌物多咗都可能係月經前嘅一啲徵兆。

如果你真係好擔心自己有懷孕,你都可以要求家庭醫生去幫你進行驗孕,同樣地,醫生都會根據你嘅情況,去判斷需唔需要開荷爾蒙藥去等你催經。

喺第一次食之前避孕藥之前可以去睇一睇醫生,因為唔係每個人嘅身體都適合服用避孕藥,例如有心臟問題、糖尿病、高血壓、免疫系統問題、肝臟問題嘅人就通常唔建議食避孕藥,而且市面上有好多唔同牌子/款式嘅避孕藥,每款含有嘅荷爾蒙劑量都唔同,所以建議第一次服用避孕藥之前,要睇吓醫生,等醫生幫你檢查下你嘅身體狀況係咪適合食,同埋適合邊一款藥。家計會/母嬰健康院/呢個服務,有需要嘅話可以去預約㗎。

實在好多謝你地既回答,個日都去左睇左家庭醫生,再係診所驗左孕都係negative :pray:不過m都仲係未黎 :pensive:本來仲想佢即開藥。。

好多謝你地同我confirm呢幾次result都會會準的,醫生個日都有講性行為完14-16日就可以驗到,同宜家隔左成個月 。醫生有講隔左60日未黎先再覆診開藥 :face_in_clouds:

上星期開始都有keep住胸漲,呢幾日好似仲漲勁左。。本來同你地傾完同埋睇左醫生放鬆左啲,但又被屋企人mon住開始問隔感耐都未黎m 係米有左,啲焦慮又番黎 :pensive:

真係好感謝你地咁詳細既解答,因為其實就算見醫生都冇咁多時間聽你講,同會咁俾心機解釋俾我聽,你地真係好好幫大家解答疑難。 同其實如果性器官摩擦但冇進入陰道,而進入時有帶套,會否懷孕?

我會諗我2月12先last day M而2月14雖然有做,有性器官摩擦,進入有帶套,但就算係個日唔係隔兩日就係排卵期有左?請問呢個觀點啱唔啱?

同想補充番呢幾日胸感覺仲漲左啲同乳頭敏感左. 帶原本bra會覺得緊左同貼住乳頭會覺得痕痕地。。又會亂諗係懷孕特徵 :face_in_clouds:

Hello​:ok_woman:t2:首先如果性器官有直接嘅接觸,即使陰莖進入時有帶安全套都好,都會有意外懷孕嘅機會,因為男性性興奮嘅時候會分泌尿道球腺液,當中含有少量精子。然後有關排卵期嘅問題,如果係依照28日月經周期計算安全期嘅方法,第14日會係排卵日,但我哋一向唔建議使用安全期作為避孕措施,因為並唔係每一個女性都係28日嘅月經周期,亦都唔係每一位女性會喺第14日排卵,所以未能確實話俾你聽月經後兩日係唔係屬於排卵日,因為的確有女性,即使嚟緊月經都會排卵。

但如果依照你去診所嘅驗孕,結果都係陰性,咁即係代表冇懷孕。明白咁耐都未嚟月經對你嚟講一定好困擾,而且好大壓力,會忍唔住成日諗起佢。而且當某啲症狀出現嘅時候,例如你提及嘅胸脹,都會令你懷疑係咪懷孕。但正正因為呢啲症狀同月經前症狀好相似,所以我哋唔可以單單憑呢啲症狀去判斷自己有冇懷孕,可以試吓分散自己嘅注意力,例如做自己鍾意嘅嘢,令自己放鬆,同時相信診所嘅驗孕結果,因為心理壓力的確會好影響月經周期,所以希望你聽完醫生嘅意見同埋我哋嘅回覆之後都會覺得安心啲啦:relieved:

1個讚

更新前日終於黎左M了! :face_holding_back_tears:好感謝平台工作人員一直耐心解答問題,同埋認真解釋俾我聽,係有人回覆後,可以個人輕鬆左。覺得呢啲平台實在好罕有同喺香港真係好多女仔會需要 :shushing_face:

2個讚