食咗5個月事前，開新一排藥唔記得咗開同漏食咗兩日，冇補藥情況下同男朋友發生性行為，有帶套但射個陣有流入去，之後有立即補食咗兩粒，要唔要食事後…….
一直有食開事前避孕藥，發生性行為都有帶套，但咁啱撞正停藥後冇準時服藥，但有精子洗到陰道，擔心會唔會有懷孕機會…想問要唔要服用事後？
Hello，知道你宜家好擔心，首先好欣賞你服食事前避孕藥都有同時使用安全套，有雙重保障下，避孕嘅成功率會更高，進一步減低懷孕風險。
不過你講到漏食，一般如果連續漏食2日藥，係會建議除咗要即係食返藥之外，係之後7日內發生性行為都要外加安全措施。如果你之後都有準時食返藥的話，加上你已經長期服食避孕藥，身體已經適應咗，藥效係會正常發揮嘅，相對上個風險都唔算係太高，不過安全起見，都係性行為後7日同11日驗孕確保一下結果會比較好。
同埋如果你肯定有精子流入，都需要考慮採取緊急避孕，雖然唔知道你上次性行為既日子。但如果真係進行緊急避孕，就要盡快去決定。因為緊急避孕藥喺需要係性行為72小時／120小時內，喺醫生處方下服用緊急避孕藥。服用前必須經醫生評估，不要自行到藥房購買服用。不過要記住在一個月經周期內只可以服用一次事後丸，如果你選擇左今次服食事後丸，係周期餘下既日子就要採取較安全既措施去避孕。希望呢啲資訊幫你！！