手指頭出現不明一粒粒

啱啱見到手指頭有好多透明嘅一粒粒,
唔痕唔痛,摸落去凹凸不平,係敏感還是感染?
上網話係汗皰疹,唔知關唔關頭先做work out事

Hello 就咁憑呢度嘅資訊都好難確定到你嘅情況係發生咩事。除左做運動,可能掂到某啲物件受到細菌感染發炎,或者飲食都會有影響。

如果係汗皰疹嘅話,應該會係有啲小水泡,而且可能會有痕癢同埋灼痛感,所以就未必似係你嘅情況。當然都可能係皮膚敏感而導致呢個情況。你可以再留意住你手指嘅情況,如果佢冇改善,甚至惡化嘅話,最好都係去睇醫生了解返係咩事。

但係上網睇汗皰疹嘅相同我個情況幾乎一樣:face_with_monocle:

頭先唔覺意撳到啲小水泡,有少少透明嘅液體漏出來,類似組織液,其實本身都有少少痕痕地,掂落去都有少少痛,可能今朝發作冇乜感覺:face_with_monocle:
會唔會有機會因為今朝做運動手掂住地下,屋企人咁啱掃完地,地下污糟而引起?不過其他手指又冇事,得呢隻有傷口龜裂嘅手指有事

咁有機會係可能本身手指已經有傷口/你所提及嘅龜裂情況,再接觸到細菌而造成。如果痕癢同痛楚嘅感覺持續,都建議你去諮詢醫生嘅意見啦~