食左事前藥之後白帶顏色好似變左 以前都係透明 後面就變左淡黃色 分泌量好似都多左 有種白麵包嘅味 想問可以點解決 睇醫生嘅話係去一般普通科診所睇就得 定係一定要去婦產科 有冇推薦
而且唔會痕同痛
Hello
想問吓你喺邊度配食事前藥？同埋食咗幾耐？因為食事前藥一般頭三個月都係屬於適應期，可能會出現分泌物改變，頭暈頭痛嘅症狀。一般而言如果分泌物有異味，或者伴隨身體有其他異常情況，都建議去返配食嘅地方例如家計會，諮詢返醫生嘅意見。因為而家就咁睇文字嘅描述，未能清楚了解你嘅情況，所以如果你擔心嘅話可以先去配食事前藥嘅地方睇醫生。
食緊YAZ 食左三個月 因為自己買黎食所以睇醫生
*冇睇
因為市面上有唔同牌子嘅避孕藥，唔係所有人都適合食某一種嘅避孕藥，所以而家未能確定你所形容白帶嘅狀況係唔係因為而家食緊嗰一隻避孕藥唔適合你。所以建議你可以去諮詢家計會醫生嘅意見，佢哋會評估你身體嘅狀況，睇吓你究竟適合食邊一種嘅避孕藥，同埋而家白帶嘅情況係咪屬於正常。