想問我15號同男朋友無套無安全措施下sex完之後，16號朝再黎一次都係無套但佢內射左，到依家都未黎M有啲驚，雖然計過係安全期，理應16/17號係可能經期，而預測經期19號但都未黎，想問應該點做。
話說我同男朋友16號朝早無套sex佢忍唔住內射咗，但我無食事前藥及做其他安措施
不過計過係安全期，理應sex完預測17號可能會黎M但無黎，我一向都好準26日到就一次週期但到今日都未黎，而佢又內射咗有啲驚中，所以我17號晚就襯仲係72小時内我就去咗買避孕藥（28+4）食，但聽講應該係事前食，因為我第一次食唔知道有事後藥，咁其實食避孕藥係咪都會打亂月經？喺屈臣氏買嘅時候有問姐姐，佢話來M嘅第一日食，但因為我遲遲都未嚟又怕錯過咗個時間，所以就食咗先，咁樣係咪錯的？
之後嗰兩日我係咁飲西瓜汁食啲涼嘅嘢谷M，我係有嚟M前嘅痘痘及下腹感到有嚟經期前期嘅腹痛感覺，但就吾見紅有掙扎過要唔要停藥
Hello，收到你既問題，知道你地想以安全期黎避開懷孕風險，但都想講下計算安全期其實並唔可以稱為一個可靠嘅避孕方法。一般坊間講嘅安全期係以一個週期28日去計算，而一個週期係由嚟月經第一日直到下一次嚟月經前一日為止。係一個28日週期之中，安全期嘅計算係假設咗身體會係第14日排卵，所以週期嘅第1－7日以及21－28日，亦即係所謂嘅月經前7後7日會係所謂嘅安全期。但安全期唔可靠嘅原因係，唔係每個人嘅週期都係28日，雖然你話你既周期一向好準係28日，但即使係28日週期嘅人都唔一定係第14日排卵，所以唔能夠係未出現月經就單憑計算日子準確知道係幾時排卵。除非每日都係醫生指引下用排卵棒測試體內狀況，否則無辦法準確知道係邊一日排卵。所以總括而言，計算安全期並唔可靠。
就你今次嘅情況，因為性行為時無使用任何安全措施，本應係性行為後72小時或者120小時盡快尋求醫生指引進行緊急避孕。而事後避孕藥係需要醫生處方嘅藥物的。不過你係17號晚去買既避孕藥（28+4）應該係事前避孕藥，而事前避孕藥對用作緊急避孕係沒有功效的。所以目前已經過了進行緊急避孕既時候。而你食緊既事前避孕藥係有機會影響你目前既周期習慣，所以如果你唔打算以事前避孕藥作長期避孕方式，你可以先停服。如果你近排再次有月經出現，即表示你沒有懷孕。如果你好唔安心嘅話，你亦可以考慮自行驗孕，可以喺性行為後11日進行驗孕。因為驗孕棒係透過檢測尿液中嘅hCG (人絨毛膜促性腺激素)含量，呢款激素會係受精卵著床後開始大量分泌，而一般受精著床呢個過程需要6-9日，所以係性行為後7日使用驗孕棒的話會有初步嘅結果。而係11日後或者預計經期嘅日子驗孕結果會更加準確。