因為之前下面包皮有d抹得甩嘅白色一點點
但係又吾知咩嚟 驚係性病
今日去左睇社會衛生科
醫生就話疑似係包皮發炎
之後佢地就幫我抽血
俾埋裝尿嘅樽我 聽日俾翻佢哋
咁我本身去廁所都無異樣或者不適 不過都擔心
因為四個月前同女朋友無套
佢之前嘅性經驗雖然吾算好亂 有兩個ex
不過佢自己本身都擔心
佢喺空窗期之後大約幾個月
去過相關機構做aids同埋梅毒快測
因為我上網見到話如果驗淋病 衣原體同埋性病疣係驗尿吾係驗血
佢本身都係體弱多病嗰種嘅女仔 不過佢都係一樣無任何異樣或者吾舒服
有幾條問題想問：
- 社會衛生科抽血嗰啲針筒乾吾乾淨？
- 女朋友做aids快測嗰陣嘅aids快測棒
個樣同類似做covid快測一樣 只不過係滴血 但係想問呢d半個鐘內知結果嘅快測準唔準確？
- 最後女朋友嘅檢測全部都係陰性 咁係咪代表佢冇愛滋同埋梅毒？
- 因為等一個月實在太漫長 而家好擔心好驚 如果睇普通科醫生嘅話會唔會有得即時知道結果？
- 想好奇下佢哋唔係會攞啲器具放入尿道口抽樣本㗎咩？點解會淨係俾樽我 然後就走得。。。
- 如果最後結果我冇事嘅話 係咪代表女朋友都係冇事？因為我自己之前同ex做係有戴套嘅，同埋得一個
你好，雖然你話有抹得甩嘅白色點點，呢啲都唔係任何性病既病徵，但你都主動去睇醫生，你咁樣既處理方法係好好既，再經過檢查後，之後就可以放心。
至於你擔心社會衛生科抽血嗰啲針筒乾淨問題，你大可以放心，因為政府診所全部針筒都係用完即棄的，並唔會重用，所以用係每個病人既針筒都係全新的。
而HIV快測棒既結果都係好準確的，只要係進行高感染風險行為後4星期後或3個月開始接受測試(要視乎邊一種快測棒)，但由於每個人產生病毒抗體的時間不一樣，如果首次測試結果呈陰性，建議於12個星期後再次接受測試，所以HIV快測棒係一個可靠既檢測方式。
如果你女朋友嘅檢測結果全部都係陰性，即係咪代表佢無感染愛滋同梅毒，所以可以放心。
其實檢測HIV同梅毒呢類性病，目前已經有類似COIVD19個種快測棒，如果你真係好擔心同唔想等咁耐，都可以選擇自行購買，或者到其他志願機構，如關懷愛滋等，他們都有提供快測服務，而且係免費既。不過其實診所化驗既方式會係最全面準確，不會出現假陽性假陰性既情況，所以你可以等埋診所既化驗結果，知道等待期間係會有點難捱，安全一點都係好事的。同埋記得係未有化驗結果前，要暫時唔好有唔安全既性行為住，以免影響檢測結果既有效性。
另外，因為你今次檢測係需要血液同尿液，所以只需要抽血同收集尿液便可，其他形式既抽取樣本係沒有需要的，所以就你既情況醫生都選擇最合乎你需要既檢測，唔使擔心會漏檢測等問題。
最後，如果你結果係無事，即代表你無任何性病感染，而你女朋友都應該做一次全面檢測，結果無事先至係無事，千祈唔好用你既檢測結果去推測伴侶既健康狀況，咁樣有機會係唔清楚對方情況下，如果對方係感染者，就會造成互相傳染。
多謝你嘅詳細回答
另外補充返少少 女朋友係性行為後大約十個月後做檢測 咁嘅話佢使唔使再做多次檢測？
唔該曬
同埋今日去完社會衛生科之後
去左普通科診所睇下面d白色粒粒係咩
醫生話唔似係椰菜花 比較似念珠菌
雖然無異常分泌物 唔痕唔痛 小便都係
不過包皮入面又紅又腫 發炎
會唔會同女朋友性行為太多次或者ky過敏有關？
Hi，如果醫生已證實係患有念珠菌，同埋有發炎情況，那你需要按醫生指示依時用藥，而未康復前唔好有性行為。
而念珠菌發作既原因本身係唔關太多性行為事，念珠菌本身係一啲正常菌群，日常都會寄生係身體唔同地方，例如陰道或者口腔，但一般唔會造成感染發病。引致發病嘅話通常有兩個原因：1）念珠菌繁殖過多，令身體本身抵抗力抵抗唔到；2）身體抵抗力下降到無法抵抗念珠菌。
主要係念珠菌喺潮濕、侷促、不透氣嘅環境都會更容易繁殖，咁呢方面可能就要注意返個人衛生習慣，要對包皮有足夠清潔，但都唔需要過度清潔，造成反效果。同埋都可以留意吓自己着嘅內褲或者面褲會唔會太緊同是否合適。都記得留意下平時用嘅毛巾係咪乾淨，都可以定期更換毛巾或者下半身衣物。
而身體抵抗力下降就可能係平日嘅情緒壓力、作息時間、生活習慣等等都會影響到身體抵抗力。而且都有可能係身體出現咗毛病而導致抵抗力下降，例如糖尿病、HIV等唔同疾病都有機會影響免疫系統。
所以你只要按時用藥，控制好念珠菌情況，好返後就要好好注意性器官衛生，要好好每日清潔，同保持性器官乾爽，就可以減少念珠菌覆發。
仲有另一個疑惑
女朋友話嗰邊有姑娘會幫佢抽血
但係最後淨係攞陰道分泌物樣本就走得 無抽到血
係佢哋唔記得咗定係某啲原因所以無幫佢抽到？
Hello 你地可能驚唔小心整到底褲可能會搞到有性病，同埋唔清楚點解冇抽血。
首先呢到講少少有關性病嘅基本資訊比你了解下先。性病主要嘅傳播途徑透過體液，例如精液、腸液、尿道球腺分泌（Pre-cum）、陰道分泌、血液，接觸過身體比較薄嘅黏膜組織，例如肛門、口腔、陰道，或者傷口就有機會傳播到病毒。
而你地嘅情況，其實會感染到性病嘅風險都好低。一來其實係整到條底褲，然後再著條底褲，所以其實接觸到地下嘅係條底褲，而唔係直接接觸到性器官；二來地下正常地係唔會有性病相關病毒殘留，除非之前曾經有性器官直接接觸過地下，而佢又有性病，但相信就唔太可能會有呢個情況發生；三來好似愛滋病毒咁，佢接觸到空氣好快就會死亡，唔會傳染到開去，如果冇直接接觸到體液嘅話，基本上都唔會傳染得到。所以都可以放心，唔洗太過擔心會因為咁唔小心傳染到性病。
當然心理上感覺掂到地下，然後又掂到私密部位，好似有啲污糟會感覺唔舒服。如果下次唔好彩又整到嘅話，或者可以考慮搵張紙巾隔一隔住再著，避免底褲同私密部位直接接觸，可能都會好啲。下次如果去醫院、做檢查，或者去旅行，都可以考慮買定一啲方便攜帶嘅即棄紙底褲，如果有需要嘅時候都可以更換。
至於最後冇抽到血個part，因為其實社會衛生科都會就唔同個案唔同求診者，因應唔同嘅情況作出適當嘅評估，再就此決定需唔需要做相應嘅檢查。所以有機會係因為佢地根據咗你地嘅情況評估完，認為只係攞陰道分泌物樣本就足夠而無抽到血。
佢話對鞋好似都掂到底褲入面嘅位置。。
會唔會因為女朋友有同醫生講佢自身有長期病 keep住食緊藥 所以唔使抽？
佢最驚未必係鞋底掂到底褲入面而有性病
而係驚地下會細菌感染或者擴陰器污糟
不過擴陰器應該都會消毒嘅？
Hello你好呀
明白好擔心可能會因為咁而感染性病，但係正如上邊同事所講，可能性係好低嘅，因為佢係冇直接接觸到體液，而地下亦都唔會有性病病毒殘留嘅，至於擴陰器方面，就更加唔使擔心，因為係一次性嘅。
係抽血方面，我哋都唔能夠回答你點解醫生冇幫到你女朋友抽血，不過醫生自然會有自己嘅判斷，可能佢認為你女朋友嘅情況係唔需要抽血，或者因為佢食緊藥嘅關係，當中藥效可能會影響到抽血嘅結果。如果你需要返去複診或者拎報告，都可以喺見醫生嘅時候問清楚呢個抽血嘅情況。
好多謝你地
不過尋日佢話個醫生講過
有得做愛滋快測嘅相關機構
好似關懷愛滋 再思呢d機構
佢話佢地提供嘅愛滋快測通常都唔準
加埋如果你話因為女朋友食緊藥
有機會影響抽血結果 咁嘅話
佢當時做嘅愛滋快測係咪有機會係假陰性。。
因為佢做快測嗰段時間 佢已經食緊藥
hello!以aids concern為例，喺90日空窗期後，佢地提供嘅愛滋快測靈敏度達100%，所以係好準確嘅。
明白會好擔心感染性hiv，不過我哋始終都唔係醫療上嘅專業人士，亦唔清楚你女朋友嘅身體狀況同食藥情況，好難單憑你提供嘅資訊而去判斷到底佢有冇患上性病，所以你哋可以耐心等候社會衛生科嘅報告，佢都可以同社會衛生科嘅醫生講自己食藥嘅情況，醫生可以就住佢嘅情況，作出適合你女朋友身體狀況嘅診斷。你哋亦都可以建立一個定時進行性病測試嘅習慣，保障返大家。
想問社會衛生科係咪會check晒所有類型嘅性病？
同埋男女嘅檢查係咪都會有唔同
因為女朋友冇驗血之餘唔使驗尿 淨係check陰道
（補充少少 女朋友係甲亢患者
佢食緊一隻叫carbimazole 5mg tablet嘅甲亢藥 呢款藥會唔會影響當時愛滋檢測結果？）
同埋唔知係咪因為姑娘攞啲咩撩女朋友陰道口
佢呢兩日尿道口間唔中有好輕微嘅針吉感覺
不過影響唔大嘅 係咪正常
Hello
社會衛生科嘅醫生係會根據你嘅情況而去判斷你適合做咩檢查，如果你有啲咩疑問，都可以係拎報告嘅時候諮詢返醫生嘅。
正如上面所講，我哋唔係醫療上嘅專業人士，所以到底你女朋友食緊嗰隻藥對於抽血結果有冇影響，最好都係需要諮詢返醫生，佢會比較清楚。
見到你女朋友可能因為檢查而感到唔舒服，呢個情況可能係檢查時有輕微刮傷陰道，咁呢幾日可以避免發生性行為，等傷口自己癒合，不過見到佢感覺係比較輕微，所以都唔需要太擔心。
唔知女朋友係咪焦慮症發作
自從嗰日去完診所 佢唔敢再著翻嗰條底褲
就算已經洗左 佢都驚條底褲好似被污染左咁
唔知道女朋友本身係咪有跟進開焦慮症既問題，如果有，不妨同醫生分享下目前情況，睇下醫生會唔會有咩建議。
至於你話佢唔敢再著條底褲，或者可以掉左去，起碼可以令佢有即時既安心作用，同安撫到佢既焦慮，但如何焦慮情況持續，甚至影響到日常生活，就需要尋求醫生／輔導員協助。而你係佢身邊多啲支持同安慰，對可以舒緩佢既情緒。
