好擔心，同男朋友3月18發生過性行為都有戴套， 但個套可能穿咗，男朋友亦有內射，完事後除咗安全套，下體都有大量白色液體流出。
加上自己係危險期同排卵日，好擔心好無助
，希望自己唔好有咗 
Hello~見到你話下體有大量白色液體流出咁好大機會係因為安全套穿咗。 安全套穿嘅原因，主要係因為（1）戴嘅時候可能未有確保完全按實安全套上嘅儲精囊，令空氣有機會喺套入面，喺磨擦同埋擠壓嘅過程中就會令安全套穿左；（2）安全套嘅表面唔夠濕潤，磨擦力太強嘅時候，就會令安全套磨穿；（3）安全套正反面調轉左；（4）安全套尺寸唔合適；（5）安全套已經過左期。
不過如果一直以黎都係無咩事發生，亦唔係試緊新款的話，都可以排除（3）、（4）嘅原因 
亦都可以檢查一下安全套嘅有效日期，睇下有無過左，過左有效日期就唔好再繼續使用啦～
如果嘗試使用潤滑劑之後，安全套破裂嘅情況都係無改善的話，可能就要考慮一下會唔會選擇試下其他牌子／款式嘅安全套。一方面可以當做試下新野，另一方面都可能身體狀況有所改變，未必再適合使用一直用開嘅安全套款式。
如果想保險啲，可以考慮服用事後丸。因為事後丸喺香港係需要醫生處方嘅藥物，而且有分性行為後72小時或者120小時內服用兩種，都建議盡快揾醫生求診。可以選擇去家計會診所、普通私家門診或者婦科診所。
如果唔想食藥，又好擔心的話，都可以喺性行為之後第7日同第11日買驗孕棒，跟足說明書指示去驗孕， 咁如果到11日嘅時候係顯示陰性嘅話，就即係冇懷孕。
最後，除咗要留意返選擇合尺寸嘅安全套亦要確保自己有正確使用安全套，減低日後再次出現意外嘅機率（詳情可以參考我哋嘅文章，例如係： Login • Instagram Login • Instagram 同埋 Login • Instagram ）。其實除咗安全套，荷爾蒙式嘅避孕法，例如事前避孕藥、避孕針、子宮環等都係有效率嘅可靠方法。雖然缺點係無辦法預防性病，但如果雙方都做過性病檢查，其實選用呢啲方法嘅成功率都會比安全套高，不妨考慮一下🫶🏻。
如果意外懷孕咗，唔想有BB可以有邊D選擇？
除咗家計會之外，香港有幾邊個診所或者醫院可以終止懷孕？
醫院會唔會比家計會，可以盡早完成終止懷孕手術？
首先，如果係意外懷孕，建議可以先搵信任嘅人、以及伴侶等傾訴，並透過搵相關機構（例如家計會、青躍、母親的抉擇等）去同職員／工作員討論應該點樣面對呢個處境，同埋點樣嘅處理方式會比較適合當下自己嘅狀態（例如身心狀態、財政能力、成長階段等）。 
而終止懷孕方面，要知道本港合法終止懷孕的話，係需要得到兩名註冊醫生證明繼續懷孕會對孕婦生命構成嘅生理或心理損害較終止懷孕大比較大。而因為終止懷孕係一個重大嘅手術，所以如果未成年嘅話係需要家長或者監護人簽署同意書嘅。如果決定要終止懷孕，首先要確認自己嘅懷孕週數，因為週數嘅長短係會影響自己去邊個機構／醫院接受終止懷孕。例如家計會只會為懷孕期10週內嘅就診者提供藥物終止懷孕／手術終止懷孕（真空吸引術）。以家計會為例，家計會醫護人員會系首次接見求助者嘅時候，會先問你個人病歷、進行尿液驗孕，同埋向你提供有關終止懷孕的基本資料及輔導。由於家計會認為終止懷孕係一個重要嘅決定，所以會建議求助者於初診後重新慎重考慮係咪要進行終止懷孕。假如求助者決定終止懷孕，家計會護士將安排就診者再次約見醫生，商議及評估終止懷孕風險，同埋進行身體及盆腔檢查，以確定就診者是否適合系家計會進行終止懷孕。以下喺關於家計會終止懷孕嘅資料，你同伴侶都可以參考一下：終止懷孕 - 香港家庭計劃指導會
如果你想了解多少少關於家計會以外嘅選擇，你都可以參考翻青躍以下嘅資訊，當中有唔少關於收費、唔同公立、私立醫院提供嘅服務。https://www.instagram.com/p/B8B2M5cn1YW/
希望以上嘅資訊幫到你～