我今個月大概1516號排卵期期 然後今個月2號嚟完m 斷斷續續冇套咁做然後冇戴套都冇射 然後16號個日男方打完飛機洗咗一下之後又做咗陣冇射到 然後22號做到內射咗大概三個鐘後食咗事後藥 唔知道會唔會中
1個讚
Hello~因為陰莖喺性興奮時會自動分泌尿道球腺液，內含少量精子，都有機會導致懷孕。所以你話
係有懷孕風險嘅。要記住就算冇射都好，只要性器官有直接接觸，就會有懷孕嘅風險。如果未準備好要小朋友，就一定要全程使用安全措施。
跟住你話
同上面個情況一樣，冇用安全套嘅話，就算冇射都係會有懷孕風險嘅。
至於最後嗰次性行為見到你話喺三個鐘頭內食咗事後丸，想問吓你食嘅藥物係喺邊度購買嘅？因為事後丸喺香港屬於醫生處方藥物，所以如果有需要，就要去返私家診所/公立醫院/機構（例如家計會）問醫生索取。如果係一般藥房購買嘅話，未必能夠保證到藥效。不過因為事後丸喺一個月經周期內建議唔好可以服用多過一次，所以呢個月經周期之後嘅日子就要使用更高效嘅避孕方法。
因為你嘅情況比較複雜，涉及唔安全嘅性行為次數都幾多，所以建議你可以喺最後一次性行為（ 22號）之後嘅7-11日用驗孕棒進行驗孕。7日嘅時候會有初步嘅結果，而喺性行為之後嘅14日，或者月經遲咗7日以上再驗孕嘅話，個結果就最準確。如果結果係陰性嘅話，就可以放心啦！
係藥房買嘅安立婷，因為仲未成年所以都唔敢去睇醫生又怕比價值知道。。
＊家長
如果係藥房購買嘅話，咁藥效未必有保證。不過你可以留意吓食完之後一個禮拜到會唔會有不規則嘅出血，因為呢個係事後丸常見嘅副作用，會令到月經延遲。不過就算冇出血都唔代表事後丸冇發揮到作用，如果真係擔心嘅話可以跟返上面嘅時間驗孕，咁就唔使估估下。
但想問我聽講排咗卵事後藥會冇用，咁如果我呢個情況就係15 16號feel到自己多咗分泌物同性慾強咗，咁係咪已經排咗卵，咁其實係咪失敗率好高。。同埋而家驗嘅話可以驗到之前有冇中嗎
hello你好啊！
首先想分享少少事後丸嘅原理：事後丸含有高劑量人造荷爾蒙，透過唔同嘅途徑去緊急避孕，包括：抑制排卵、增加子宮頸黏液分泌令精子難以通過、改變子宮腔環境令受精卵難以著床，食完事後藥後嘅岀血係因為子宮內膜剝落所導致嘅，即使有排卵，都可以令受精卵跟住內膜一齊排出，避免懷孕。見到你喺性交後72小時之內服用事後丸。事後丸嘅效用喺97%-99%，不過都見到事後丸係喺藥房買，藥效未必有保證。
如果你擔心嘅話，可以考慮驗孕，最後一次性行為7日後驗孕會有初步結果，而11日後驗孕，會有相對準確嘅結果。見到上一次性行為係22號發生，所以都要再等多幾日，先會有準確嘅結果。
如果下次有需要食事後藥，都建議去私家診所/公立醫院/機構（例如家計會）問醫生索取，藥效會比起藥房嘅有保證。
1個讚
想問一下我到而家都冇嚟m冇出血，有容易攰、肚偶爾痛同胸痛係咪有機會中咗
Hello
你講嘅情況唔可以作為判斷係咪懷孕嘅唯一標準，同樣地，都可以係月經前嘅症狀。
明白好擔心自己係唔係懷孕，睇番上一次性行為係22號，即係依加進行驗孕都會有準確嘅結果，亦都可以排除因懷孕而無月經依個因素。