Admin 你好
我24歲，前幾天飲醉酒搵左個性工作者進行性交易，交易內容係無套口交，冇插入
事後好驚，已經上網查詢性病測試預約
想問我e個case中性病（最驚係HIV同椰菜花）大唔大機會
Hello 你好啊
首先，性病主要嘅傳播途徑透過體液，例如精液、腸液、尿道球腺分泌（Pre-cum）、陰道分泌、血液，接觸過身體比較薄嘅黏膜組織，例如肛門、口腔、陰道，或者傷口就有機會傳播到病毒。
回應番無套口交嘅性病風險，除非佢口腔裡面有流緊血嘅傷口或者已經有明顯病徵，同時你陰部都有流緊血嘅傷口，否則口交傳染性病嘅風險都好低。
不過針對一啲透過皮膚接觸可以傳播嘅性病，例如椰菜花、皰疹等，有可能喺口交過程中唔小心整穿咗，就有感染性病嘅風險。
總括而言呢個都係一個相對地低風險嘅性接觸，明白好擔心會感染性病，不過依加醫學進步，有啲性病可以痊癒，亦有啲可以控制病情，大大減低對生活嘅影響。
好多謝Admin嘅回覆 但係為左我未來伴侶著想，我都想做一次檢查。
係唔係等90日之後做先會得到準確結果？
但係我上網睇椰菜花嘅空窗期長達8個月，我係唔係應該3個月後做一次，8個月後再做一次，期間不再發生任何性行為？
Hello
潛伏期係指由感染性病到發病中間嘅一段時間，感染性病後，唔會立即出現病徵，待潛伏期過後身體就會出現相關病徵。
而空窗期就係由感染性病後，身體會製造抗體去對抗病毒或細菌，同樣地，身體亦需要一段時間才能製造足夠的抗體以達至可檢測的水平，依段時間就係空窗期，性病疣（椰菜花）嘅空窗期係7-14天，hiv嘅空窗期係90日，所以90日後，過咗空窗期做性病測試，結果就好準確咖喇，唔需要再做。