前排做化驗陰道分泌做dna 檢查一下，發現人型支原體& 微小脲原體陽性， 但我無任何病徵， 不是什麼時候感染， 不做化驗也不知是陽性，但男友沒有陽性， 請問這是性病嗎？ 上網見到有醫生唔係， 話本身陰道都會有，亦有醫生話係。 需要都婦科跟進嗎，因為都幾擔心。 
同埋唔知係米心理作用 ，感覺外陰有時會痕
但明明未有報告果陣 冇咁留意， 唔覺下面會痕。
我驚男友以為我邊到野到呢兩隻病。
有人解答到嗎？
hello你好啊
大部分嘅HPV感染都係可以自愈嘅，自身免疫力夠高嘅就可以抑制，唔會引起病變。脲原體、支原體都可以經性接觸傳播嘅嘅，不過就唔係唯一傳播方法，例如同其他人共用毛巾，濫用抗生素都可能會感染，所以無需太擔心係咪性病，支原體本來都喺陰道內嘅，當陰道內嘅酸鹼度改變時，導致陰道生態失衡，引致病發。脲原體、支原體可引起非淋菌性尿道炎，患者可會出現白色或混沌分泌物，小便刺痛或灼熱感，經常感覺有尿意，尿道末端瘙癢，依加可以留意下有無依啲情況，如果無嘅話，都唔需要太擔心嘅，不過你嘅情況都有機會係心理作用。脲原體、支原體都可以透過服用抗生素而康復嘅，我地都建議睇婦科醫生，由專業人士決定就醫嘅方向。可以考慮選擇去家計會青少年保健（26歲以下及未婚的青少年），詳情如下：https://www.famplan.org.hk/zh/our-services/clinic-services/youth-health-care/fee
1個讚
明白
，姐呢兩隻菌 係陰道有部分人本身都會有嗎？ 唉、 我都唔知幾時冇啦啦感染 定本身有。
係呀，正如上邊所講，支原體本來係陰道內嘅，亦都有研究指出係可以母嬰傳染嘅。如果冇特別感到啲咩不適，暫時都唔需要太擔心住嘅，當然你都可以去睇婦科醫生，睇吓有冇需要食藥，明白都會擔心自己嘅身體狀況，但而家醫學科技進步，假設真係要食抗生素，療程都係一至兩個星期，所以唔需要太擔心。
1個讚
唔該你先， 另外想問 微小脲原體係米都係陰道既菌黎？ 
係啊冇錯，微小脲原體係支原體嘅其中一個種類～
我想問 去呢d 私家診所做分泌檢查其算唔算安全， 因為都算多人去做性病化驗檢查。我去做陰道分泌果陣 佢都係只係用一張即棄白色既墊 ， 墊住張椅， 唔知佢呢d 椅會唔會有消毒， 因為聽講其他性病 滴蟲 果d好似會留係物料上面 間接傳播。
同埋做完 陰道分泌檢查， 我拎左佢擺係側邊用紙盒裝住既類似棉布既紙巾黎抺乾淨下身 其實依家諗返唔知有冇問題， 同埋 衛生方面 係米唔應該用呢？