男友而家見到我著情趣內衣冇之前咁有feel

一開始男朋友話想我試下著情趣內衣俾佢睇
咁我自己都想滿足吓佢 所以買左幾件
頭幾次著嗰陣 佢真係扯晒旗
去到而家著左大約7-8次 佢好似已經無乜feel
我已經開始想揼晒嗰d情趣內衣….
可能因為本身身型問題 我係嗰d偏肥嘅女仔
每次見到我著俾佢睇 佢冇乜feel嘅時候
我都會好自卑:disappointed:
諗緊會唔會因為身型問題先令佢無feel
我問佢我而家著情趣內衣係咪已經冇乜feel 佢冇答
:disappointed:
佢喺我全裸先會容易d扯旗
咁我當初買d情趣內衣嚟做咩….
最近都減緊肥 不過為左呢件事而成日唔開心:disappointed:
成日都好羨慕d好fit嘅女仔

Hello,知道你可能為呢件事有唔開心,但你其實可以同男朋友坦白啲溝通下,不妨坦誠跟對方溝通,講出你對穿著情趣內衣既睇法,等對方都了解你情況,又可以了解下佢宜家對情趣內衣既喜好。如果佢對情趣內衣已失去興趣,就可以了解一下雙方可以轉換咩方式黎增加情趣,因為性喜好/性刺激係會隨時間改變而轉變,所以都需要大家持續溝通來互相配合。除左用情趣內衣來增加情趣外,其實仲有好多其他方式,例如:增加前戲時間/一齊睇下成人電影等,都可以係帶來不同既性刺激。
另外,你亦唔使因為身型問題而唔開心,男朋友亦未必係因為你身材而影響性慾,正如我所講性喜好/性刺激係會隨時間改變而轉變,佢可能只係習慣左情趣內衣既剌激而失去左興趣,並唔係對你失去興趣。
明白女仔會對自己身型比較在意,不過其實都可以問下男朋友對你既身型有無睇法,如果佢唔介意,你亦可不用太在意。你要明白每個人既身體都獨一無二的,亦唔需要太擔心人地既睇法,學習一下欣賞自己,可以令自己更有自信。知道你亦開始減肥,有動力係自己身型管理上下功夫係好事,不過記得以健康既方式黎進行,千祈唔好極端咁去減。