其實好想知 陰道口及陰道內 係米會凹凸不平 既？ 會有d凸凸地 橫紋既texture? , 因為我好奇用鏡望到自己陰道口 打開見到入面有d一粒粒小顆子 同橫紋 粉粉紅紅既野。好奇想知咩黎？ 呢個係米正常呢？ 外陰出面皮膚係正常。
因為都一年冇做抹片檢查，對上2年都正常， 對上一次同男友冇帶套， 係3個半月前 同中過滴蟲陰道炎、 依家醫好返。 我本身有打9價針， 但都有小小疑神疑鬼驚中hpv 6
黎緊會做返抹片， 但我以上陰道形容係米正常呀呢
補充、 我地皮膚上暫時冇任何生野
你好，想解答返你既問題，根據你既描述你既陰部情況係正常。因為正常陰道係肌肉和黏膜構成既一個管道，而表面不係光滑既，而係由很多橫紋皺壁組成，摸起來有凹凸感，所以你話見到有橫紋粉粉紅紅既野，就正係陰道內既橫紋皺壁。
至於你話既一粒粒小顆子，可能係陰部丘疹。陰部丘疹生長於女性陰部範圍如大陰唇、小陰唇、尿道口和陰道口旁邊、近肛門位置。當翻開大小陰唇，會發現內側長出了一粒粒的贅肉，約1至2毫米大小，呈微小既柱狀、息肉狀、肉芽狀等。觸摸下會有顆粒感，顆粒互不融合，飽滿而柔軟，多數是淡粉紅色，生長形態為密集成片或呈條帶狀，如沒有動手使它們損傷，一般不痛不癢，屬於無自覺症狀。
而陰部丘疹係好常見既，不是HPV病毒造成，唔會傳染的，亦唔會危害健康，通常不用理會。但千祈唔好用手擠壓、用針刺破挑穿，或者自行用任何方法將丘疹整走，一旦傷口受細菌感染，就有機會引起毛囊炎，所以不用特別處理，亦唔使有任何擔憂。
另外，知道你有做抹片檢查既習慣，呢個係一個很好既習慣，但最好盡量保持返每年做一次檢查。
1個讚
一粒粒果d 係米屬於陰道口或陰道入面呢、摸落 類似泡泡紗既感覺、 反而兩則又冇乜
咁呢啲係陰道內既正常組織，橫紋皺壁黎的，所以係正常，並唔係有異樣。不用擔心。
1個讚
唔該你先