性行為一問

SEX:: 有關性的
1

你好，想問下，假設去叫酒店雞，係咪自備毛巾同安全套會比較安全?

2

Hello 首先簡單回答你嘅問題，的確自備毛巾同安全套會比較安全。

因為如果係去酒店同性工作者發生性行為嘅話，視乎酒店嘅規格，有時環境衛生情況都未必係咁良好，未必能夠好好確認得到毛巾，同埋安全套係乾淨衛生，或者安全可靠。特別係毛巾，如果環境唔係咁乾淨嘅話，而毛巾又唔係太清潔嘅話，有機會會感染到陰蝨。而安全套都可能會有破損嘅情況，減低左安全措施嘅成效。所以最好嘅方法就係自備毛巾同安全套，將呢啲不可控嘅因素都掌握係自己手上，就更加能夠確保到安全啦。

1個讚
3

Thanks，其實係咁嘅，上個禮拜終於忍唔住，走去搵咗個酒店雞破處，一開始沖涼的時候小姐淨係用手摸我條JJ，呢part我相信冇事，之後都有帶套吹同埋帶套做，第一次我好緊張，所以唔太清楚由小姐提供的安全套個size係咪適合我，我感覺係帶咗之後冇話覺得鬆，又唔係話好緊套唔落，淨係唔太記得個套有冇套著整個陰莖，印象中做做下嘅時候個套好似係褪前咗少少，不過完事後個套係冇穿到嘅，小姐仲話我射咗好多 :joy:，至於事前同事後沖涼，我係用酒店嘅毛巾抹身，但係性器官部位我就用廁紙抹，想問下，呢個情況，感染性病的機會率高唔高?

4

補充一下，佢有奶我袋底，同埋今日我出現傷風的症狀，開始有啲擔心會唔會中招，可唔可以解答下我?

5

Hello​:ok_woman:t2:首先先同你解釋一般性病來講係點樣傳染，一般性病都係透過高風險體液（精液、陰道分泌、腸液、血液）同受傷嘅黏膜組織（陰道、尿道口、肛門、腸道、眼睛、口腔等）直接接觸而傳播。如果性行為本身無牽涉呢啲部份，或者有使用安全套，會導致性病傳播嘅機率好低。不過都有啲性病係會出現症狀係皮膚表面，例如椰菜花同出現係陰毛嘅陰蝨，如果無安全套保護住嘅性器官直接接觸到，一樣會有風險。

睇返你描述嘅內容，如果整個性行為期間都有使用安全套，而且性器官/口腔都冇受傷，其實患上性病嘅機會非常低。至於你出現傷風嘅症狀，同患上性病冇直接嘅關係，所以唔需要擔心傷風同唔安全嘅性行為有關。

1個讚
6

Thanks for your reply! 咁我都冇咁驚，我27歲，未搵小姐之前係處男一名，不過我又唔喜歡交朋結友，又冇打算結婚生仔，但係性欲人皆有之，特別好似我而家血氣方剛咁就更加強烈，所以上個禮拜終於忍唔住，做完之後第一感覺係後悔，短短半個鐘都唔夠就唔見咗$900，其次愈諗愈驚，一中招就一世，我唔想咁快死呀!!! :sob: :sob: :sob:所以我發誓日後都唔再叫雞，而今日開始我覺得右邊陰囊有少少痛，但係性器官冇任何損傷或者異樣，咁樣又係咪性病的病徵? 我的肌肉亦有啲酸軟，唔知又關唔關事? 同埋你話性病係會出現症狀係皮膚表面，例如椰菜花同出現係陰毛嘅陰蝨，兩者有咩病徵? 我知道性病空窗期平均係3個月，咁係咪我三個月後去check，結果係陰性就代表冇事?
最後，呢個問題唔知問得是否恰當，頭先講咗，性欲人皆有之，對於我呢種不打算結識異性，又冇打算結婚生仔的毒男，除咗打飛機，有冇啲比叫雞更安全的性行為，等我可以確切感受到性的愉悅?

7

見到你其實都有幾個問題，咁就等我逐個去回應吓啦。

1 自己身體有啲痛，但係性器官就冇任何損傷或者異樣，係咪性病的病徵？
其實大部份性病嘅病徵都會有比較明顯嘅色長，例如可能會喺性器官流出一啲混濁嘅膿液，或者可能有肉粒、水泡、紅斑等等，體感上感染部位都可能會伴隨着痕癢嘅感覺，小便時可能會灼痛等等。你提到你性器官冇任何異樣，應該都代表冇呢啲病徵。而肌肉痛，有機會只不過係咁啱你又唔小心感染到傷風，而出現嘅其中一個症狀。

2 椰菜花同陰蝨，兩者有咩病徵？
而椰菜花嘅主要病徵，係會於性器官或周圍，例如陰莖、陰囊或肛門出現痕癢但不痛的肉粒，形狀多為細小粒狀、一團粒狀、扁平或菜花狀。至於陰蝨，如果感染到嘅話，感染部位就會比較瘙癢，同時都可能會發現內衣上有黑色粉末。皮膚，例如在大腿或下腹部，亦可能會出現藍色或小塊斑點。如果擔心嘅話，都可以留意吓有冇出現相關情況。

3 三個月後去check，結果係陰性就代表冇事？
冇錯呀，基本上三個月之後已經過咗好多性病嘅空窗期，所以如果喺有關性行為之後三個月之後去check，然後檢查到係陰性嘅話，基本上都可以確認係完全安全冇事。不過都提醒返，呢三個月內就暫時唔好有任何嘅性接觸，避免影響咗檢查嘅準確性。

4 除咗自慰，有冇啲比搵性工作者更安全的性行為，等你有性的愉悅？
其實搵性工作者進行性交易發生性行為，並唔代表係唔安全，都唔代表係有啲咩問題。其實好多時性工作者反而比大家更關注自己有冇患上性病，畢竟都牽涉到自己身體，佢哋都唔想影響到自己身體健康，更何況佢哋就係靠身體搵食，患上性病都會影響到佢哋謀生，所以其實好多時好多性工作者都會定期進行性病檢查。如果你擔心嘅話，下次都可以自己準備毛巾同埋安全套，去一啲合規格或者衛生環境比較好嘅場所，好好做足安全措施，相信其實都會可以喺足夠安全嘅情況下，享受到性歡愉。或者，你都可以考慮下去性商店，不論係網上定係實體舖，行過圈了解吓唔同商品，睇吓有冇需要選購一啲合適自己嘅商品，例如一啲電子嘅性玩具，或者都可以幫助到你增加性歡愉。另外，你都可以多方面咁提升自己，豐富自己，培養唔同嘅興趣，都可以令自己過得開心。

1個讚
8

Thanks，覆得好詳盡，幫到我好多!

1個讚