10日前第一次同男友有sex-related的動作 - 瞓喺床度男上女下地幫佢打飛機⋯⋯(我着住內衣褲佢全裸);佢射的時候主要射咗喺我肚上面,但有兩三滴滴咗喺底褲邊上,已經即刻用紙巾清理⋯⋯今個月月經遲咗兩三日都未黎(雖然平時都唔太準)請問會唔會有機會懷孕⋯⋯?
P.S. 我同男友都係處,至今為止都係,基於我成長背景一直都覺得拍拖係唔需要性,只需要愛+心靈溝通;但男友覺得呢件事好重要,佢甚至為我拒絕呢件事而覺得好無助流淚⋯⋯經過溝通後雖然而家有試過sex-related嘅行為,但我始終唔feel comfortable⋯⋯請問喺呢件事(sex)上應該如何平衡到⋯⋯?性對男仔黎講真係咁重要?就算幫佢打咗飛機都仍然想要真實嘅性行為?
Thanks:(
由於你這次性行為已經是10日前,所以現在你只能慢慢等待月經。你說平時不太準,個週期大概是怎樣?是怎樣不准?
另外,你提到你自己並不準備有性行為,而在男友的懇求下願意幫他自慰,但你自己始終不喜歡。你的感受是很重要的,如果你男朋友尊重你和愛護你,其實是不會讓你做你不喜歡的事。他知道你覺得唔舒服嗎?為什麼他覺得性愛是必須?甚至因為你拒絕佢而落淚?
以月經28日為標準的話,有時遲有時早有時準,最遲試過36日先黎,每個月都唔同咁但係偏遲比較多,只係因為今次有過咁嘅行為而驚遲咗係咪會有機會懷孕: (
至於男友落淚我都同佢傾過,佢覺得兩個人真係相愛就自然會有性愛,同時佢知道要我願意先可以發生性行為無得逼,因此佢覺得好無奈所以流淚⋯⋯
佢知道我好唔習慣呢啲太親密嘅行為,所以而家嘅approach就係要慢慢習慣⋯⋯睇下會唔會好啲
如果你唔enjoy,個男仔迫你只會令你更唔enjoy. 如果你係覺得處好重要嘅就更加要話佢知。嬲都冇用。
你個情況我覺得有嘅機會好微雖然我唔係專家。連性器官都冇直接掂到。
1個讚
如果你經期遲到40日都未來,可以驗孕,或者去睇醫生。另外,你越緊張就越會令月經推遲,所以你最重要係放鬆心情,唔好自己嚇自己。
你同男朋友一開始個共識就未有溝通好,佢期待的戀愛關係係包括性愛,當佢達唔到呢個期待就落淚,個反應會唔會誇張咗d?可能佢覺得冇性愛係因為你唔夠愛佢,所以先喊?定係佢覺得自己對性愛好大需求,自慰滿足唔到,一定要同真人做愛?
而你自己唔認為戀愛一定要發生性行為,呢個係你自己的選擇,並唔需要為了迎合男朋友需要而委屈自己。最重要係你地要溝通好,你地依家保持呢個「打飛機」方式會唔會令佢忍唔住想再進一步?如果佢忍唔住,你會點樣同佢溝通?
我注重你的感受,你好似說服自己習慣呢種唔舒服的感覺?定係你自己都希望同男朋友有更親密的行為?選擇冇對錯,希望你地唔好因為性愛問題而起衝突啦。
3個讚
月經28日黎只係個平均,21-35日內都算正常。所以你係偏向30多日一個週期。
1個讚
“可能佢覺得冇性愛係因為你唔夠愛佢,所以先喊?” 同佢溝通過佢嘅想法係咁⋯⋯
但由細到大都無經歷性呢樣野所以一路都無咁嘅需要,有時太過親密嘅行為我都唔係太習慣例如french kiss,所以得到個結論係我只係唔習慣所以要練習多啲⋯⋯
其實我咁剩係着重心靈溝通係咪有少少over咗?定係呢啲就叫做性冷感?
唔可以咁樣定義自己係性冷感,就好似你逼自己覺得戀愛一定要有性,但其實你自己都未準備好,又點會開心呢
我覺得心靈溝通比性愛重要,如果一段關係只有性,就未必是戀愛而是性伴侶了。
至於你有幾愛你男朋友,唔等於一定要有性先代表你愛佢,你男朋友呢個想法需要商榷。佢係咪好冇安全感?佢唔相信你愛佢?
1個讚