有撤退性出血?嘅懷孕機率

Hello想請問少少嘢
我嘅m唔係好規律,可能因為熬夜作息唔好,記得之前一次正式嚟m係1月中到尾。
之後3月1號同男朋友有邊緣性行為(器官冇直接接觸同插入),嗰幾日自己都係有啲淆底同驚,畢竟m期唔規律,之後3月3-4號時下腹少痛,分泌物都變多,但係嗰幾日仲係冇嚟m。
所以最後3月6號大概早上11點幾(邊緣性行為後120小時內)去咗家計會食120小時嗰種事後丸。護士嗰陣講大概三個禮拜會嚟m。
食完後幾個鐘keep住會經痛咁,之後晚上沖涼(差唔多8點)時就直接出血,量非常大,好似伴隨啲血塊?之後都keep住出血,好似平時嚟m咁,頭幾日血量都非常大,連續嚟咗6-7日,就好似平時m期咁。

  1. 首先我想問呢個係撤退性出血嗎?因為我上網查發現其他人嘅撤退性出血都會係食藥後幾日內,好似冇我咁快,幾個鐘後即刻出。定還是我呢個情況係因為前一個月冇嚟m,所以先咁快出咁多血?
  2. 另外,我可以當呢次出血係一次m期嗎?想問如果當係m期,下個月會唔會都係差唔多時候嚟?定係事後丸啲激素會打亂我之後嘅m期?
  3. 仲想問如果出咗咁多血,係咪就冇懷孕風險?

之後我都少驚,所以3月16號時用咗晨尿驗孕,步驟應該都啱,結果係咁樣的。邊緣性行為後14日後驗孕係咪已經好準確,呢度咁睇請問係咪好明顯得一條線(開咗閃光燈影),唔洗再驚會懷孕?會唔會話孕激素唔夠勁所以先未呈現到第二條線?

你好,你唔使咁擔心,你驗孕結果顯示係陰性,即係你並沒有懷孕。首先講下自行驗孕,其實喺性行為後11日進行驗孕,會係反映最準確既結果。因為驗孕棒係透過檢測尿液中嘅hCG (人絨毛膜促性腺激素)含量,呢個激素會係受精卵著床後開始大量分泌,而一般受精著床呢個過程需要6-9日,所以係性行為後7日使用驗孕棒的話會有初步嘅結果,而係11日後或者預計經期嘅日子驗孕結果會更加準確。而你係6號有性行為,距離至今已超過11日,所以結果係準確既。

至於你話上次服用事後丸後,就維持左6-7日既出血,個次係撤退性出血。撤退性出血多數係服用口服避孕藥之後出現,而因為事後丸含有高劑量荷爾蒙,食完係可能導致有點狀出血或令到下一次嘅月經出現變化,例如日子上提前或推遲,或者血量同血嘅顏色上有改變嘅,所以即使下一次月經同以往嘅情況有唔一樣都係平常嘅事,所以暫時嚟講都唔洗太擔心嘅。

好的,先感謝您了。
請問可以當嗰次撤退性出血為一次(替代)月經嗎?
因為嗰次撤退性出血唔係點狀出血,血量同平時月經嘅量一樣甚至更多。
下個月月經時間請問會同今個月出血時間差唔多嗎?
如果到時真係因為事後丸嘅荷爾蒙打亂咗經期令我冇係嗰段時間嚟m嘅話,請問我到時可以點做?需要補充啲咩營養催經/調節身體嗎?

Hello~多謝你嘅提問,等我逐題答你啦~

事後丸引致嘅出血係可以當一次月經嘅,多數嘅情況下都會令下次月經延遲。

至於你問

咁就唔一定,因為事後丸係高劑量嘅荷爾蒙藥,會喺好大程度上影響同擾亂經期,所以我哋唔能夠好確定下個月月經嘅時間。

最後,你問

其實建議你繼續等下先,除非月經遲咗三個星期都未黎,先要去睇醫生,睇吓醫生會唔會考慮開催經藥畀你。自己就唔好亂食嘢去調節啦!