有幾個問題想問

SEX:: 有關性的
1

hi 有幾個問題想問
•自助時鐘酒店啲一次性毛巾乾唔乾淨同埋安唔安全?因為之前同男朋友去自助時鐘酒店 有幾間唔係一次性毛巾 就算有用嚟抹乾個身 不過我哋就冇直接掂到任何傷口同埋下面 不過無論係一次性定唔係一次性毛巾 因為都驚唔乾淨 我哋淨係抹乾手腳同埋上身會唔會有性病?
•另外想問吓如果今日同男朋友係一齊沖涼 佢下面唔小心掂到一下我下面 冇插過 之後我用沖涼液清洗乾淨下面 同埋沖完涼之後 喺佢下面冇任何分泌物同埋Precum下 又係唔覺意掂到陰道出面一下 冇插過 之後有用無酒精濕紙巾清潔陰道出面 咁樣會唔會懷孕?

2

Hello​:ok_woman:t2:

  1. 有關酒店毛巾乾唔乾淨嘅問題，因為我哋並唔係清洗毛巾嘅人，所以都好難答你呢個問題:rofl:但都可以話俾你聽有機會出現嘅風險，例如陰蝨係可以通過共用毛巾傳染。另外，其實一般性病都係透過高風險體液（精液、陰道分泌、腸液、血液）同受傷嘅黏膜組織（陰道、尿道口、肛門、腸道、眼睛、口腔等）直接接觸而傳播。如果性行為本身無牽涉呢啲部份，或者有使用安全套，會導致性病傳播嘅機率好低。如果都係擔心嘅話，建議下一次去酒店嘅時候可以自備毛巾，咁就比較安全亦都安心啲。

  2. 首先有關沖涼嘅過程，其實精子只要遇到水份就會加速死亡，因為精子需要有精液嘅保護先可以生存，而沖涼呢個動作係會破壞精液，所以唔需要擔心喺沖涼嘅過程會有機會懷孕。另外喺沖涼之後，如果男朋友嘅陰莖冇任何分泌物而接觸到陰部，其實意外懷孕嘅機會都較低。但都想提醒你，下一次如果想清潔陰部嘅時候就避免使用酒精濕紙巾，因為酒精濕紙巾濃度較高，有機會刺激到陰部，只要使用一般無酒精嘅濕紙巾去清潔，或者沖涼會比較好。

3

err 我上面提及過我係用無酒精濕紙巾清潔下面:point_right:t2::point_left:t2::sweat_smile::joy:
不過如果用嗰啲一次性毛巾 冇接觸到傷口同埋下體 有性病嘅機率係咪都會好低

4

Hello~如果係用無酒精濕紙巾清潔嘅話，的確係冇有酒精嘅咁刺激，不過因為陰部係偏酸性嘅，而無酒精濕紙巾大多數係鹼性嘅，所以有機會破壞陰部真菌嘅平𧗽生態。其實用清水沖洗就好足夠㗎啦！

至於毛巾，其實通過毛巾傳播性病嘅機率係好低嘅，當然，用一次性嘅毛巾就可以更加放心啦！