我之前1/2黎m
26/2佢冇戴安全套用下面直接磨我下面十下左右(只係外面磨，係有一下大力少少不過無插入)
我哋無著底褲都有少濕
1/3我黎左m，經期大約6日，血量同平時差唔多
26/2之後無發生任何性行為，但今個月未黎m，有d擔心
請問我1/3黎m會系假性嗎？
Hello~雖然你哋嘅性器官有直接接觸，係有一定懷孕風險，不過因為冇插入，所以懷孕機率係好低嘅，加上你1/3已經嚟咗m,血量同日數亦正常，咁可以排除著床性出血，可以肯定係月經。如果睇番你以往嘅規律，你應該要去到4月頭先會再嚟m,現階段可以再等下先。
雖然今次冇懷孕，不過如果唔想再十五十六，之後無論發生任何形式嘅性接觸，都要全程使用安全措施，咁先可以保障到雙方🫶🏻
多謝你既解答~
想請問多少少：你意思係如果26/2果晚真係咁不幸中咗既話，我1/3(性接觸大約3日後)係應該唔會黎到m既？
因為我大約1-2個禮拜前朝早間中腹部會有吉住吉住既感覺(不過幾分鐘就會無)~同埋依1個禮拜有少少頭暈，所以仲有dd擔心
沒錯，如果受精卵已經著床嘅話，係唔會有月經嘅，仲要嚟足6日係冇可能嘅，所以可以肯定你冇懷孕～
但2月26日至3月1日期間得3日，請問有無機會系先黎左月經，之後體內精子再同卵子結合？
精子最多只會體內存活5-6日，完咗月經先同卵子結合係冇可能嘅。
咁有無機會係月經果5日既期間 體內仍然存活緊既精子同卵子結合到?
已經30日都仲未黎m，比平時耐左有d擔心～
Hello~如果排卵期同經期重疊嘅話係有可能嘅，不過機會好低。如果真係好擔心，可以進行驗孕。因為宜家距離你最後一次性行為已經過咗11日以上，個驗孕結果係最準確嘅，驗一次就可以知道有冇懷孕。如果係陰性就可以放心啦！
如果跟足說明書指引，正確使用驗孕棒嘅話，結果會係非常準確啊。